&S235;هذا المقال وصل الينا قبل تنحي مبارك .. حيث اننا نشرنا كل المقالات التي وردتنا في تمام الثالثة عصرا يوم الجمعة ولم نطلع على المقالات المطلوب نشرها مرة اخرى الا بعد تنحي الرئيس مساء .. وهذا للعلم.
 
 
دعوه لكل مصرى يحب مصر يتدبر كلامى –
 اعلم ان هناك بعد الاصوات المعانده ستتهمنى بالعماله والتخلف واننى حليف النظام وكلام كبير اللى هيقوله اكيد مش هيكون فاهمه بس من فضلك اقرأ كلامى وتدبره دون تسرع هل تحققت مطالب شباب التحرير ؟؟ ج: طبعا اتحققت بنجاح ......طب ازاى ؟؟؟ اقولك ازاى : 1- اعلنت القوات المسلحه انها ستحمى مصر بكل قوتها والحفاظ على الامن العام. 2- محاكمة رؤوس الفساد فى النظام السابق. 3- اعتذار الرئيس لاهالى الشهداء وهذا بمثابة اعتراف النظام بالخطأ والاعتراف بشرعية مطالب الشباب وهذا فى حد ذاته اعترف بنجاح ثورة الشباب امام العالم. 4- تم تعديل مواد الدستور التى ستسمح بتداول السلطه والغاء الهيمنه على الحكم 5- تم الغاء قانون الطوارىء الذى كان سببا لتجاوزات وتطاولات على حريات المواطنين 6- اهم مكسب هو تفويض الرئيس لنائبه بكل مهام رئيس الجمهوريه وبذلك ترك مبارك السلطه وسيبقى رئيسا اسميا وشرفيا فقط للدوله حتى سبتمبر ويخرج امام العالم بصوره جيده فرغم كل مساوىء مبارك فهو امام العالم رمزا لمصر فلنستمع لصوت العقل ولا نعاند. لا ياعم بقى انا كنت عاوزه يغور ويمشى مشوفش وشه تانى انا قاعد فى ميدان التحرير لحد ما يرحل - تسمحلى اقولك انت كده مبتحبش مصر - ايوه بجد مبتحبش مصر اقولك ليه ؟؟ 1- شلل تام لمؤسسات الدوله بجميع تخصصاتها. 2- انتشار معدل الجريمه وتهديد الامن العام. 3- قد يضطر الجيش اسفا للسيطره على الاوضاع فى مصر وتطبيق الاحكام العرفيه وتطبيق حظر التجول بحذافيره. 4- مليارات الجنيهات ضاعت بعد انتهاء السياحه. 5- مليارات الجنيهات ضاعت بسبب سوء الاوضاع الاقتصاديه. 6- تدمير معظم المنشأت الامنيه ومبانى المحافظه مما يساعد على نشر الفوضى. 7- اعطاء الفرصه للقوى الخارجيه التدخل فى شئون مصر. 8- انتشار الفقر والجهل نظرا لتوقف الدراسه وتوقف العمل. 9- النقطه الاخطر واللى ممكن فعلا تضيعنا كلنا وهو انشغال القوات المسلحه بشئون البلاد الداخليه وتركها للشئون الخارجيه والجدير بالذكر ان اسرائيل حاليا تقوم بتعبئه عامه لجنودها وكان هناك مخطط من قبل باقتناص منطقه من سيناء لضخ الفلسطينيين فيها كما هناك استعدادات للاسطول الامريكى فى حال انتشار الفوضى قد يتوجه لمصر. طب انت كده يا عم عميل وخاين انت ناسى دم الشهدا اللى راحوا ؟؟ لا والله منستش الشهدا كان حلمهم مصر تتنفس حريه – مصر تبقى احلى – مصر مستقبل افضل – وده مش هيحصل و احنا فى ميدان التحرير – ده هيحصل لما نروح شغلنا لما نبنى اللى تهد لما نبقى ايد واحده لما نثبت للعالم كله اننا شعب متحضر فاهمين مصلحتنا و مصلحة الوطن. ومتنساش ان استمرار العناد والتظاهر قد يزيد اعداد الشهداء ولكن فى تلك الحاله قد يكون فى هذه الحال شك ان كانوا شهداء ام لا ، لان استمرار التظاهر الآن سيكون هدفه مزيد من الفوضى لان المطالب قد تحققت بالفعل. طب افرض الراجل ده كان بيثبتنا وبعد ما نهدى يرجع للسلطه تانى ؟؟ لا طبعا الخطابات اللى زى دى بتبقى خطابات تاريخيه وفاصله و مفهاش رجوع وهو حلمه دلوقتى انه يخرج من الحكم بصوره مشرفه يعنى مستحيل يعمل حاجه يستفز بيهاالناس تانى – وميدان التحرير موجود والشباب بيتجمع فى دقايق لازم يبقى عندنا ثقه فى اللى حققناه وعندنا ثقه فى نفسنا.