السلام عليكم ورحمه الله وبركاته
 لا تغضب ولا تنزعج عزيزى كاتب مقال الى متى الدوامين انا اخوك فى الاسلام سليمان عبدون كنت اعمل بالكويت سكرتير فى مركز صبحان ثم سكرتير فى مركز العارضيه للتفتيش الصناعى تبع الهيئه العامه للصناعه بالكويت واتعينت 24/7/2004 وعملت هناك وكان كل الشغل على دماغى انا بس حيث انى المصرى الوحيد الذى كان يعمل سكرتير فى صبحان تخيل اخى الفاضل كنت اقوم بجراء البصمه حضور وانصراف لجميع الموظفين الكويتا وكنت شايل الشغل على عاتقى بما يرضى الله عز وجل وكم عانيت من ضغط الشغل والعمل وحتى كان الدوام لغايه الساعه 3 بعد الظهر وكنت اذهب البيت وارجع الشغل تانى من اجل اخلص وانجز عملى من الساعه 6 مساء الى 12 ليلا رغم انه لا يوجد دوام تانى عندنا فى الهيئه بس عشان اخلص عملى وده طبعا بدون مقابل نهائى مجدعه وكم من مديرى ورئيسى كانوا يوعدونى باضافى وكنت اعمل واعمل مشى عيب انى انتظر الاضافى وكانوا كمان يخدونى الى الهيئه مع رئيس القسم اخلص معاملات على الكمبيوتر ده كله خارج عملى واملا فى الاضافى ووعود ولا احد ينادى كانوا عايزين انى ابات اشتغل ليل نهار وده كله ب 198,5 دينار كنت زى اللى مربوط فى ساقيه غير طبعا الكبرياء والعنتظه الفارغه منهم كلهم كبرياء فوق ما تتوقع مع علم حضرتك كلهم دبلوم صنايع حتى مديرى وانا الوحيد الجامعى اماره فوق ما تتوقع وغرور اكنك تتعامل مع ناس من كوكب تانى لا رحمه ابدا فى قلوبهم رغم انك تخدمهم بكل قوه وكنت من احسن وافضل السكلرتاريه الموجوده فى المراكز والهيئه العامه للصناعه وكان فى مركز صبحان تهجم على ولد اسمه عدنان الخلف وكان ده من ضمن من ابصم له حضور وانصراف لمده 4 سنوات متكامله ( طبعا بدون مقابل لانى لا اقبلها على كرامتى ابدا ) بس ده مجرد اورى لك كم انا خدمت الناس دى المهم تهجم على الولد عدنان الخلف وحاول ان يسبنى وان يتطاول على لانه كان انسان مغرور جدا ولكن شكوته الى الاداره فى الهيئه وكان يوم اسود ازاى اشكو كويتى انت اهبل يا سليمان وقال لى بالحرف الواحد يا مصر ى يا حيوان يا حقير مع علم سيادتكم ان عمرى الان 52 عام شوفت الادب والاخلاق ولما شكوته القيامه قامت كل الكويتا هددونى بالتفنيش من العمل وهددونى بالقتل وحرق سيارتى وووو ولكنى مصرى ابن مصرى وعندى كرامه صممت على الشكوى وحقى ولكن فى الاخر بعد ان وصلت شكواى الى الاداره القانونيه وكان هناك مستشار مصرى قال لى بالحرف الواحد لا حتاخد حق ولا باطل دول كويتا كل عيش حتى المصرى لم يقف معى وكان استاذنا اسامه جلال ارسلت له واتصل بى واهتم بالموضوع ووقف جنبى الله يسترها معاه ويعطيه الصحه والعافيه ويطول فى عمره هو ده المصرى الاصيل ابن الصعيد واتصل بى وقال تعال السفاره وقلت له خلاص اعتذر ليه وجزاك الله كل خير المهم انا عايز اقول رغم انى كنت راضى براتبى واحمد الله عز وجل ورغم بعدى عن اولادى وزوجتى كنت راضيا بعيشتى لانى اصرف على اولادى من خير الله ثم الكويت وكم احببت الكويت حبا جما وكنت اتمنى ان اعيشى فيها بقيه عمرى ارزق منها وبلد جميل حماها الله الا انى تركت كل هذا من المعامله السيئه ونزلت اجازه بعد ثلاث سنوات ونصف وارسلت لهم استقالتى على الفاكس ( وقلت اختار الكرامه ام الفلوس واخترت الكرامه فلا تحزن يا عزيزى فلا تحزن يا عزيزى ونسيت اقول لك الهيئه العامه للصناعه شغلتنى شهر كامل بدون مقابل ولا راتب واشتكيت واشتكيت وسلم لى على الترماى كلوا تعبى وشقايا وبعدين الكفيل ربنا واحلى حاجه يقولها لك كويتى والله افنشك افنشك

 اخوكم / سليمان عبدون/ محرر بجريده المعاصر الاخبارى / وعضو لجنه حقوق الانسان / وانا عايز حقى من الله كفانى هذا رب العباد وربنا على الظالم وما من ظالم الا سيبلى باظلم منه