( كاتب ساخر)
1 – في ايه يا جماعة الخير.. و ايه اللي بيجرى ده " احنا رايحين على فين " ؟
ما تمر دقيقة علينا الا و نجد من يتحدث عن الدين و يفتي في بعض المسائل الخلافية – الخطاب الديني بات في حاجة الى " وصفة " ناجعة حتى لا تتدخل / جماعات التأجيج / لتنثر بذور الفتنة بين المسلمين بعضهم البعض و بينهم والمسيحيين تارة اخرى – عيون الفتنة " مصهللة " و ليست نائمة كما يعتقد البعض – فتشوا عن اليهود ؟
أ - عن إعدام تنظيم داعش لـ 28 إثيوبياً في ليبيا ها هو الداعية الإسلامي الحبيب على الجفرى عبر صفحته الشخصية بموقع التواصل الاجتماعى "فيس بوك" ..
// الحديث عن براءة الإسلام من جريمة خوارج العصر تجاه المسحيين لم تعد له قيمة في إشارة إلى أنه أمر معروف ومفهوم ..
// الجريمة الحقيقة سكوت العلماء والدعاة أو تهاونهم فى مواجهة الفكر الضال الإرهابي في إشارة لفكر داعش.
// "تعامل الساسة مع هذه التنظيمات الإجرامية من خلال لعبة التوازنات السياسية، بالإضافة إلى إهمال الشباب وتركهم فريسة للجهل والفقر والاستغلال يعد جريمة حقيقية، مختتماً "غفرانك ربنا وإليك المصير".
ب - الدكتور علي جمعة مفتي الجمهورية السابق هاجم الباحث إسلام بحيري، بسبب وصفه للتراث الإسلامي بـ«العفن» قائلًا: «تراث إيه اللي عفن يا (..)، دي (قلة ..)، وقلة دين»– هي وصلت لكده برضه !!.
2 – انها " الفتنة " الاعلامية ايضا ؟
المذيع عمرو أديب هاجم دعوة الدكتور إبراهيم محلب - رئيس الوزراء - لاصطفاف الإعلام خلف السلطة.
وقال أديب في برنامجه :
أحنا بـ"يتشيك" علينا أكتر من بتوع الامن .. وبعدين يروحوا يأجروا كام واحد تافهين يطالبوا بإغلاق الإعلام بتاعنا عشان مش بيأيد السلطة .. طيب لو عايزين تقفلوه أقفلوه.
وأضاف: عمرنا ما هنقول اللي انت عايزه .. احنا هنقول اللي انت محتاجه ولو البلد محتاجة تنمية فاحنا خدامين البلد لكن مش هنقول اللي انت عايزة.
وتابع : في حد جوة أوحى لصانع القرار أن التجربة الافضل للإعلام هي إعلام الرئيس جمال عبد الناصر.
وأستدرك : مش هو دة الإعلام اللي قال اننا في تل ابيب؟
وقال اننا بنصنع الابرة من للصاروخ وقال ان هيبقى عندنا بترول اكتر من السعودية وليبيا؟ .. وكان أي صوت معارض بيتم قمعه؟.
3 – انها " الفتنة " الجنسية – ايضا ؟
الراقصة صافيناز نشرت عبر صفحتها الشخصية على موقع التواصل الاجتماعى "فيس بوك" صوراً تجمعها مع الإعلامي الساخر أكرم حسنى الشهير بـ"سيد أبو حفيظة" أثناء استضافتها فى برنامج "أسعد الله مساءكم" على قناة إم بى سى مصر، ".. بيكفي يا صافي و بارك الله في ما رزقك " بالحلال " .. روحي بلدك – تعبتينا .
آخر السطر :
ان اردتم " درء " الفتنة و وأدها في دياركم و بين اولادكم و في عقولكم عليكم الالتزام بكتاب الله دون تعرج على فضائيات الفتاوي التي ما انزل الله بها من سلطان و اللت والعجن من اصحاب العقول " الخربة " بأفكار منقوصة وكمان مسمومة .
Mka969@hotmail.com