( كاتب ساخر)
1 - يا رب سلم من كل شر .. البلد " مش ناقصة " – ايه الحكاية يا عم " الفذ لوك " .. يا سيدي فاضل / 18 يوما / على ذكرى ثورة 25 يناير و الجماعة اياها " مش عاوزة تجيبها البر " وده اللي خلى الاحزاب والقوى السياسية تطالب الرئيس عبد الفتاح السيسي بإصدار 5 قرارات للقضاء على دعوات " الاخوان " للتظاهر والتخريب علشان زمنهم يرجع تاني – المهم هل لنا ان نعرف القرارات .. نعم :
أولا .. العفو فورا عن شباب الثورة و الجامعات.. أكيد طبعا .
ثانيا .. تعديل بعض مواد قانون التظاهر .. أكيد طبعا .
ثالثا .. حوار وطني مع كل قوى وتيارات الثورة .. أكيد طبعا .
رابعا .. اعطاء ضمانات بعدم عودة رموز " الوطني " .. اكيد طبعا .
خامسا .. محاكمات عادلة وفقا للمعايير الدولية – أكيد طبعا .
( كله كده .. أكيد طبعا .. نعم اكيد طبعا علشان ننسى امبارح ونعيش بكرة )
2 - يقال أن بعض قيادات جماعة " الاخوان " تناور للتخلص من تاريخها الاجرامي ب " التخلي " عن المسمى القديم لأنها باتت تعاني من تصدع وانقسام شديدين – آآآآآه يا دماغي ؟
( اسمع كلامهم اصدقهم أشوف اعمالهم " أبلم " – الضابط ضياء فتوح الذي حاول نزع فتيل قنبلة قبل ان تنفجر وتقتله بالقرب من مركز الشرطة في شارع الهرم – ربنا يرحمه .. يا جماعة الخير )
3 - ما زلت منبهرا من كلام رئيس الحكومة المهندس ابراهيم محلب حين خاطب الناس الغلابة اللي عايشين في العشوائيات وقال لهم " مساكنكم الجديدة لن تكون اقل من المناطق الراقية في الرحاب والجولف وغيرهما من المناطق الحضارية التي يسكنها الاغنياء " ؟
( واسعة شوية دية مش كده يا غلابه .. على العموم تفاءلوا بالخير تجدوه محلوبا )
4 – صحيفة " ايندلخ " التركية : قطر طلبت من رئيس المكتب السياسي لحركة " تقاعس " خالد مطفي مغادرة اراضيها ؟
( ملوك الحركة تنفي بالتغريد – وانقرة مقر الاقامة الجديد – افندم )
5 - لماذا سحبت المملكة المغربية سفيرها سعد العلمي من مصر ؟
هل الأزمة بين البلدين مرشحة لمزيد من التصعيد بسبب بث التلفزيون المغربي الرسمي تقريرا وصف فيه الرئيس عبد الفتاح السيسي بقائد الانقلاب ووصف الرئيس المعزول الدكتور محمد مرسي بالرئيس المنتخب ؟
( يشاع بين الاوساط الديبلوماسية ان السبب وراء الموضوع – دعم القاهرة جبهة " البوليساريو " – غير صحيح )
6 – الهام شاهين الفنانة حلقت " ع الزيرو " علشان المخرج عاوز كده في فيلم " ريجاتا " – جرأة .. ونظافة برضه .
7 – الى " نوه الفيضة " التي هزت أجواء الطقس واغلقت 3 موانئ بحرية .. يا من اسدلتي ثلوجك على الاسكندرية وعواصفك على أهالينا في مطروح – روحي يا شيخه للشمس في اسوان ؟
( حمدا لله في فلسطين والأردن – " هدى " .. و " زينة " عاملين عمايل باردة )
8 – مباراة الاهلي والمصري - زمام الامور في أرجل اللاعبين وصفارة الحكم – كفاية ال73 شهيدا ؟
( باختصار بلاش عصبية وبلاها النقاط الثلاثة )
آخر السطر :
نصيحة : لا تتزوج من فتاة " خجولة " – لأنها غير ناضجة نفسيا وتعاني دوما من شعور بالنقص وحتى لا تسود عيشتك ليل ونهار وبرده لا تتزوج من " الجريئة " – لأنها مش هتخليك تنام لا بالليل ولا بالنهار – اقولك أحسن لك افتح مشروع مسمط كل فيه " فشة وبمبار " - يا رجل !!
Mka969@hotmail.com