الله عليك يا شعب مصر والله عليكم يا مصريين..السيسي نادى والكل لبى النداء بكل الحب والوفاء والتقدير خرجوا مؤيدين..حبيب الشعب كعادته استشار شعبه وناداهم عارف قدره في القلوب وعارف هو بينادي بإيه وعارف هو بيكلم مين..القائد الموعود لمس كل القلوب وزي ما طلب التفويض والشعب قال آه طلب من تاني التفويض بالإستفتاء على خريطة المستقبل بعد حكم تتار العصر المتأسلمين..المنظر كان مفرح ومبهج وأوركسترا التأييد متواصل في سيمفونية وطنية غير مسبوقة بقيادة مايسترو الثورة اللي عارف نفسه وإحنا كمان عارفين..عمرك شفت زغاريد وطبل وزمر في إستفتاء كنا زمان بنقاطعه وتتزور نتيجته فوق التسعة وتسعين..أرجوك فكر شويه وحكم ضميرك ولاحظ نفسية شعب بسيط زي ده صاحب نكتة وجت له نقطة من الكبت والهم بعد حكم سنة من تجار الدين..اللي حصل مش مجرد تأييد ولا نعم أو لا في التصويت المهم ثقافة شعب اتغير وناس للإستقرار ملهوفين..ياترى فكرت ولاحظت المرة دي في بساطة الناس دي اللي خرجت تشارك من غير إجبار وبإصرار ومن غير زيت ولا سكر تموين..عمرك كوكتيل المشاعر دي وانصهار فرحة الناس في مشهد رائع هيصة وزيطة ناس بجد فرحانين..بذمتك وانت بتلف الشوارع حسيت فيه فرق بيننا إحنا كمصريين..دققت وعرفت تفرق من وجوه الناس الفرحانة ببلدها مين المسلم وللا المسيحي فين..بالذمة عرفت تفرقهم أو حتى بمشاعرك تفصلهم مهما كان انتماءك ومهما كان أصلك مين..عرفت تميز وانت شايف فرحة الناس وقدرت تشاور على واحد منهم وتعرف إنه سني وللا شيعي وللا سلفي وللا وللا الكل في الآخر مصريين..اللي حصل مش مجرد إستفتاء دي بانوراما وطنية وكشف حساب مسبوق الدفع رصيده ناس بوطنها وربها مؤمنين..أوعى تنكر إن فيه تغيير وإن فيه روح جديدة دبت في النفوس والنجوع وزادت جرعة الكرامة والإحساس بالإنتماء وإنه بقى لينا وطن إحنا ليه منتمين..اللي حصل في التصويت ملحمة وباب كان لازم يكتبهوه في كتاب وصف مصر علشان التاريخ يعرف هم مين ..مش قالوا في الكيمياء لإتمام التفاعل لازم يبقى فيه عامل مساعد علشان يكمل التفاعل ويطلع منتج وطني صافي الإنتماء وتظهر الصورة صادقة ويبقى الكل راضيين..علشان الصورة تبقى حلوه لازم يكون للسيمفونية مايسترو بارع فاهم النفسية وعارف كلمة السر ومفتاح قلوب المصريين..أصل إيد واحد مش بتصفق ومدام فيه قائد يبقى فيه شعب والقائد ينادي والشعب يقول آميين..شعب غريب عجيب شعب كوكتيل من كل لون وطني شعب الناس الطيبين..شعب بسيط حنون عاش كتير مغبون عطشان يا عيني حرية عاشق لتراب بلاده من زمان وده شئ معروف للعالم من سنين..الصورة كانت واضحة وزاهية واستفتاء بطعم الثورة والناس في اللجان بالملايين..اللي حصل في مصر تعبير حقيقي وصورة صادقة وضرب عالقفا للسادة المعترضين..هي دي مصر يا ساده يابتوع حكوك الإنسان واللي بنص لسان واللي عامل ناشط سياسي مرتزق إن كنتم لسه فيكم همة وحلاوة روح بيها عايشين..اللي حصل قي ربوع المحروسة نقطة نظام وفضيحة عيني عينك للمؤامرة الدنيئة اللي إغتالت مصر عام كامل عشنا فيه مغيبين..اللي حصل في الإستفتاء عصا سحرية وفض غشاء البكارة عن الذل والعار اللي صبغ حياتنا من أبو دقن عيره واللي بيتدارى بتعليمات فوقية من مكتب اللي بيبثوا السم في حياتنا وعاملين مسلمين..عُقد العمالة إنفرط خلاص وكشف الحساب انفتح وشفنا اللي قبض واللي اتنفخ من الدولارات والريالات وانتهز هوجة الميادين..عصا السيسي السحرية هي اللي شقت بحر العمالة والمؤامرة ووضحت للشعب المغيًب جحور الأفاعي والثعابين..نداء السيسي كان نوبة صحيان وآذان في موعده انتبهنا بعده وعرفنا الفرق كنا فين وبقينا فين..عشت ياسيسي وعاشت أيامك وصدق اللي قال إنك فعلا آخر الرجال المحترمين..الله عليك يا سيسي فوقتنا وعلى رأي الست ثومة إنت اللي زيك مين..والله ثومة كان عنها حق لما شدت وطربتنا كنت فين من زمان ده أنت اللي زيك ماتخلقش إثنين..!!     فاكر فيلم طيور الظلام ملحمة وحيد حامد الفنية..فاكر يوم الإنتخابات لما خرج مواطن بيصرخ رشدي الخيال اكتسااااح وقالها عالية مدوية..النهارده بنعلنها والشعب قال سيسي الخيال الفارس الحقيقي اكتساااااح بمنتهى الإحساس بالمشاعر الوطنية..خلاص عرفنا معالم الطريق ويبقى كده فاضل عالحلو دقة وكلمة الشعب حتكون جلية واضحة حازمة يوم 25 يناير وجملة كمل جميلك مش حتكون مجرد أمنية..لاحظ وفكر أرجوك وراقب خطوات الراجل ومدى تأثيره على الناس في كافة الطبقات وقول رأيك بحيادية..شوف خطواته أداؤه لمساته وشوف تأثيرها على الجماهير والناس اللي محتاجة رئيس يطبطب ويحس بيها ويكون قد المسئولية..مش قالوا الناس أقدار والراجل ده قدرنا وإحنا اخترناه حتى لو رحنا وجبناه من بيته وقعدناه على كرسي الإتحادية..هو سندنا وقت احتاجناه وآن الآوان نرد الجميل ونقف معاه في مرحلة فاصلة من تاريخ أم الدنيا بهية..مبروك ألف مليون مبروك لشعب مصر ويا أهلا بالاستقرار والبناء والتنمية..كل اللي جاي خير وفرحة بإذن الله لأن مصر رجعت فعلا لولادها والكل حيشارك بمنتهي حسن النيُة..هو ده العبور الجديد بعد أكتوبر وهي دي فعلا الثورة الحقيقية..!!                                              الحمد لله سيسي الخيال كسب الإستفتاء وحب الناس باكتسااااااح..الحمد لله انزاحت الغًمة ومصر رجعت للمصريين الحقيقيين وفجر الحرية بان ولاح..ارفعك رأسك فوق إنت مصري بلدك خلاص اتخلصت من طيور الظلام خلاص طلع الصباح..آي والله خلاص طلع علينا نور الصباح..!!                                                           ما بعد المقال..

حديث خاص..إلى مايا..شريك عمر..مشوار حياة..ا..ز..ي..ك..!!

Said_elmasryfahmy@hotmail.com