شكل تاني ..!!
الله عليك يا شعب مصر والله عليكم يا مصريين..الله عليكم يا صناع الحضارة والمجد يا صناع الخلود وأصل الحياة والوجود يا شعب المؤمنين..يا شعب ساكن في القلوب والعيون في أرض الرباط أرض الأزهر والنيل والهرم رمز الصمود والخلود عبر السنين..شعب صاحب علامة الجودة في الأصالة والقدرة على تغيير الزمن والتاريخ رغم أنف الحاقدين..شعب جميل بسيط مجبول على الانتصار شعب عاشق للنهار شعب صامد قادر بإذن الله الواحد القهار اللي نصره على كل المعتدين..شعب صاحب حضارة شعب رمز للصمود وللحرية منارة شعب خالد رغم أنف الحاقدين ..شعب كاتب للتاريخ شعب شامخ رائد في القيادة موهوب صاحب بصمات خلاقة شعب من الفنانين..بساطة ولباقة وخفة ولياقة ودم خفيف وصاحب نكتة وبصمة حضارية منذ بسط الخليقة رب العالمين.. وجنودها خير جند الأرض كما وصفهم رسولنا الصادق الأمين..شعب وجيش نسيج واحد وجسد واحد قاهر للغزاة المعتدين.افتحوا كتب التاريخ واسألوه اللي قهر المغول والتتار مين..مين اللي اسر ملك فرنسا ومين اللي قهر جحافل الصليبيين..مين اللي دافع عن تراب بلدنا ومين اللي حررها جيل بعد جيل من المعتدين الغاصبين..من أيام مينا وشجاعة رمسيس في قادش والعالم مبهور بشجاعة شعب وقوة جيش والكل شاهدين..لكن كله كوم وانتصاره في أكتوبر 73 كوم تاني وحدوتة بتحكيها الأجيال فخورة بصمود شعبها وشجاعة جيشها وهم مبهورين فخورين..كانت ملحمة بكل المقاييس حررنا فيها تراب بلدنا من اليهود المعتدين..حرب أكتوبر كانت أسطورة ومكافأة من رب السماء لشعب صبور وجيش عنيد ضحى بالروح والدم علشان نعيش مرفوعين الرأس آمنيين..حررنا بلدنا بالعرق والدم وطهرناها من أسوأ عدو في الوقت اللي كان هناك جماعة قاعدة في الدرة منتظرين..جماعة شذت عن المجتمع والناس وعاشت في عالم آخر واختزلوا مفهوم كلمة وطن وإتلفعوا بالدين..جماعة بثت سمومها في وجه بلد بحاله وخدرته وسلبت إرادته في غفلة من الزمن والناس مشغوله في الميادين..وزي شربة خروع شربناها وبعد خدعة لبسناها بالهنا والشفا وأتارينا كنا مش فاهمين..تخيل بلد الأزهر عاوز يحكمها حثالة من المتأسلمين..أعداء التاريخ والإنسانية أدعياء التقوى والدين..تتار العصر الحديث رعاه سفك الدماء القتلة الإرهابيين..اللي شمتوا مع اليهود في هزيمتنا في يونيو وكانوا معاهم فرحانين..اللي سفهوا نصرنا في أكتوبر وسبوا وشوهوا خير أجناد الأرض البواسل الصامدين..شفت بعينيك الفرق بين شعب وجماعة من شعب تاني ما نعرفوش ولا شفنهوش عبر السنين..أتاري إحنا شعب وهم شعب وأتارينا كنا فيهم مغشوشين..عاوز تعرف بنفسك قارن بس حكم ضميرك وشوف عيد النصر السنة السوده اللي فاتت اللي حضرها مين..مين اللي سرق مكان ومكانة صناع النصر من البواسل الفدائيين..تخيل النصر اللي حققه أولادنا بحياتهم ودمائهم يغيبوا عنه ونصرهم غاب عنهم في غمضة عين..لاحظ إزاي غابت الفرحة من عيون الناس وكأنه كان حفل عزاء أحياه كوكبة من الإرهابيين..مين قال القتلة والمجرمين ومخططوا اغتيال زعيم النصر يقعدوا وبكل بجاحة من المحتفلين..شاهد وقارن بعقلك وعينيك ولاحظ الفرق بين احتفال العيد الماضي واحتفال الذكرى الأربعين..شوف فرحة الشعب وأعلام النصر وخروج الناس بالملايين..شوف تلقائية الفرحة وأثرها عالوشوش الطيبة وفرحة المصريين..الفرق عام بألف عام لكن الفرحة غير والمشاعر شكل تاني نسيناها مع حكم الظالمين..الشعب نفس الشعب والناس هي الناس لكن الروح إختلفت لما غارت الغمة واتخلصنا من سطوه جماعة نسيت إنها تحكم شعب من الجبارين..شوف فرحة الناس الصادقة وإزاي عبًروا عن فرحتهم بنصر جيشهم الباسل الأمين..شفت الأعلام إزاي بترفرف والأنوارجوه قلوب الناس بتلعلع والطبل والزمر والفرحة في الميادين..شفت الحفلات والإحتفالات وشفت عودة الفن تاني والفنانين..شفت النيل بيزغرد والموجة ورا الموجة بترقص والناس في حالة بهجة فرحانين..شفت الأعلام في الشوارع والشرفات والناس البسيطة بتعبر عن الفرحة جواها والضحكة من القلب عالشفاة والكل مبسوطين..لازم نقف هنا ونسأل نفسنا إيه اللي جرى وإيه اللي غيًر الناس وإيه سبب فرحتهم وليه ورغم مظاهر العنف متفائلين..يمكن علشان الجيش والشعب بقوا فعلا إيد واحده متحدين..وللا علشان رجوع الشرطة من جديد والتلاحم مع الجيش لمواجهة المتأسلمين..يمكن علشان مصر بتفوق من الغيبوبة وبتصحى من جديد وبتنفض غبارها بعد حكم الجاهلين..يمكن عوده الشعور بالندية والمصداقية والتعامل بالند مع أي نظام عالمي اللي فقد هيبته وفشل مخططه في السيطرة والتقسيم والتمكين..الشعور بالكرامة المفقودة وظهور قيادة غير تقليدية وبزوغ نجم سياسي مختلف بكاريزما مشروع زعامة بضربة معلم حطم أحلام المتأمرين..الخلاصة مصر قامت من جديد مصر بقت شكل تاني والفضل لجند الله والشعب اللي لبى النداء وساند بالتفويض اللي عارف هو مين..مصر بتفلتر نفسها وبتتنفس هواء جديد نظيف بعد فلول الخائنين..مصر اتطهرت خلاص من دنس أدعياء الدين..مصر رجعت من تاني أم الدنيا وحتبقى قد الدنيا زي ما قالها القائد الآمين..شكل تاني عيد النصر السنة دي وشكرا لكل جندي افتدي أرضها واللي جاي أحلى وكل عيد نصر ومصر بكل أهلها دايما طيبين..شكل تاني عيدك يا مصر وربنا يزيد فرحتك رغم أنف المتأسلمين..آميييين ..آميييين ..آميييين..!! said_elmasryfahmy@hotmail.com