فرط يا مرسي وبيـــــع !!
شعر/ إسماعيل عبد الهادي,,
فرط يا مرسي وبيع
إنت وإخوانك وبديع
فرط في سينا وحلايب
بيع القناة وخد لك نايب
ماحنا بقينا في أرض براح
بعد النهضة والإصلاح
كتر الخير والمصري إرتاح
زرع المانجـــــة والتفـــاح
وبقينا في عز وفاض الـزاد
قـــوم يــالا وإعلنــها مـزاد
بكــــرة نزفـــك ولا عــــواد
عـــواد باع أرضــــه (يالاود)
شوفوا طوله وعرضه (ياولاد)
ياولاد غنــــــوا لـــه (ياولاد)
على عرضــه وطوله (ياولاد)
وقالـــوا فــــي حكاية عـــواد
الأرض أرضنـــــــــا
عـن أبونــا وجدنـــا
وبكـــرة ولا بعــــده
لاولادنـــــا بعدنـــــا
يعني مش مـــن طبعنـــا
لا جيلنا ولا جيــل بعدنــا
إن إحنا نفرط فـي أرضنا
زي ما حافظوا إللي قبلنا
إحنــا كمـان نحفظ ملكنـا
وزمـان كـان قــال جدنـا
الأرض دي عرضنـــــــا
نحميـــــها بدمنـــــــــــا
ونرعــــاها زى إبننـــــا
لا تفـــــرط للســـــوادن
ولا تـــــدي لحمــــــاس
ولا عشان نهجكوا إخوان
إنت تفرط وإحنا نحتاس؟
خدها نصيحة يابن الناس
مصـــــر لكــل الأديــــان
مش مملوكة للإخـــوان
وإنت حلفت يمين بيقين
تبقـى رئيس للمصريين
أحمـد ومحمــد وحسين
وجورج واسحق وكوهين
ولو على كده مش قادر
لــِـم عزالك يالا وغـــــادر
مصــر فيها كتير صالحين
علـم وفهـم وسياسة وديــن
=======