خليك زي الجندي... شعر/إسماعيل عبد الهادي

ماسك سلاحك قـــــوي زي الأسد يا بنــــــــي
إيــــــد على الزنــــــاد والتانيــــــة بتبنـــــــى
ياريت غيـــرك يشوفك جــــــوه البلد يبنــــــي
بلاش قعدة قهـــــــاوي وبلطجــــــة وفســــــاد
بلاش اخـــــد الرشاوي والظلم فـي العبـــــــــاد
بلاش مـــــد الأيـــــادي بالهـــــدم والإفســـــــاد
خلـــي الإيدين تبنــــــي مش تبقى معول هــــدم
غيرك ليــــــه يبنـــــــي وانت نـــــازل هــــــــدم
ما تبقى زي الجنــــــدي حامــــي البلد بالـــــــدم
رافـــــع رايتهـــــا بحب ولعهده كده صايـــــــن
شايلها جـــــــوه القلب لا بايـــع ولا خايـــــــن
وليه انت نــــــــــــاوى تغـــــرد بــــره السرب
واخترت لنفسك سكـــة ليه تغضب فيها الــرب