بنطالب بالإعدام
لاستتباب الأمن يا سيسي
من بعد م أصبحت رئيسي
ــ في القادم م الأيام ــ
بنطالب بمطالب
والطالب
شعب عريق وخلوق
مقدام
بنطالب بالإعدام
****
بنطالب بالعدل الناجز
وإزالة أيتها حواجز
تمنع من تنفيذ الحكم
خلال أيام
لجل يكون الردع كفاية
لجل ما تبقى حكايته حكاية
لجل يكون العدل إمام
بنطالب بالإعدام
محاكمة سريعة ما تتأخرش
يعني كتيره تلات أيام
عدل بطيء يبقى ما ينفعش
لنبقى بندفع ع الإجرام
بنطالب بالإعدام
****
بنطالب بالعدل الناجز
وإزالة أيتها حواجز
تمنع من إننا نجعلهم
عبرة ودرس وأكبر حاجز
للي تسول نفسه إليه
إنه يخطيه
أو يتجرأ ويخوض فيه
متخيل إن مفيش ثورة
وإن قانوننا مازال عاجز
وانه هيفلت م الإعدام
بنطالب بالإعدام
****
بنطالب بالإعدام
للخارجين ع الدين والملة
اللي اعتدوا على شرف القلة
صلوا الفرض وهتكوا العرض
والأرواح أزهقوا بوقاحة
بطريقة وحشية ومذلة
اوعوا تقولوا دي حالة فردية
أو دول قلة
لو حالة واحدة
اللفظ بذيء
والقصد دنيء
والفعل حقير ومثير وخنيء
والفاعل خارج ع الملة
واحنا باسم الدين والملة
بنطالب بالإعدام
الشاعر عبد الحميد زقزوق
20\6\2014