اخونا الفاضل عاوز تقابل السفير ليه السفير مش بيقابل مصريين شوف سفيرراى دوله تانى ممكن يقابلك

السلام عليكم ورحمه الله وبركاته نصيحه حلوه خلاص حروح اقابل سفير بركينا فاسوا او بوركينا فاسو رغم انهم فاسوا الا انهم سيوافقون على مقابلتى ان شاء الله طول عمر المصرى المحترم الغلبان ما له نصيب ابدا لازم واسطه وكوسه وبذنجان عشان اقابل اى مسئول لنا الله يا لنا الله احسن من الكل متى احسن انى مصرى عندى سفاره وعندى كرامه ؟؟؟ والله حروح لفاسوا احسن

يا عم سليمان السفير ورجالته معندهمش وقت للمصريين الغلابه اللى زيك بيقابلو بس الناس اللى لها كرش وكدابه وبتنصب عشان يشجعوها على الكدب والنصب والسرقه مفيش تروح لسفارة بركينا فاسو لان معندكش الباسبور بتاعهم روح سفارة مصر ومعاك مصحف عشان تحلف انك مصرى وبعد ماتحلف هيطلبو منك صورة الباسبور وتدفع 8 دينار عشان تاخد ختم صورة طبق الاصل وبعد كده تروح لاى حد ف القنصليه يديك اوراق تثبت انك مصرى وبعد ما تاخد كل الاوراق دى تروح لسفارة بركينافاسو هيخلوك تقابل سفيرهم على اساس انك مصرى وانت هناك اتصل بمكتب السفير المصرى وبلغ السفير ييجى هناك يشرب قهوة قهوة سوده زى ايامنا السودة فهمت كده ولا اعيد

السلام عليكم ورحمه الله وبركاته اخى الحبيب احمد ابو دقله شوف انا حغنى واقول زى شاديه انا عندى مشكله انا عندى مشكله انا حموت انا حطق انا احتمال كبير انتحر شوف يا سيدى مشكلتى انى ارسلت عدد 5 فاكسات للسفاره المصريه وكتبت شكوتى ليهم وبعد مرور اسبوع اتصل بى صوت جميل رنان موظفه في السفاره وقالت حاج سليمان احنا شفنا شكوتك وان شاء الله ستحل عن طريق بعض رجال الاعمال المصريين في الكويت قلت لها وانا طاير من الفرح والسعاده الا كلمه واحده الله يوسع عليكم انا فعلا كده حسيت انى مصرى او انسان ليا قيمه في الوجود بشر حد بيسال علينا يعنى احنا بشر ودارت الايام ومرت الايام وقاعد من العيد الصغير انتظر الصوت الجميل الرنان ان يعبر اللى خلفوا اهلى ولكن بلا جدوى واتصلت مرارا وتكرارا بالسفاره وبعد عذاب دام اكثر من يومين واخيرا رد على انسان رجل صوته برده رنان جميل ولبق احنا تحت امرك يا فندم شكواك على في طريقها الى الحل ان شاء الله وقال لى بلهجه كويتيته جميله ابشر ابشر وحتى الان منتظر الحاج ابشر ولكن بردوا دون جدوى انا لو كنت في زمن الكفار وحنظله واه اسلاما كان موضوعى اتحل زمن الكل عايز نفسه وبس يعنى اخيرا وانا راجل مريض مسن عندى 58 عام يعنى سكراب الى متى انتظر الفرج طبعا انا منتظره من اللى خلقنى عم احمد وقول يا رب وفيه حاجه كمان للعلم تليفونات السفاره تدق فقط رنات علطول ولا احد يعبرك واخيرا اهديكم اغنيه سيده الغناء العربى اروح لمين اروح لمين

بص يا عمى سليمان ولا يا حج سليمان انا غليان زيك ومليش حد غير ربنا وليا ف البلد دى 13 ستة وانا لوحدى وملقتش حد طبطب عليا وساعدنى ف حاجة وعشان كده فقدت الامل ف سفارتنا وسفيرنا لكن ده ايميلى محدش عارف يمكن ربك يوضع سره ف اضعف خلقه اكتبى وربنا موجود احنا برضه اهل adel_souidi@yahoo.com

السلام عليكم ورحمه الله وبركاته شكرا اخ احمد على اهتمامك وده تليفونى اتشرف اسمع صوتك 65099230