السلام عليكم ورحمه الله وبركاته

 

متى احس انى مواطن مصرى / متى اشعر انى داخل بيتى في الغربه / متى احس بالادميه يا بشر / يا عالم احنا عملنا ثوره 25 يناير عشان الكرامه مات اعز ما لينا من ابنائنا بحثا عن الكرامه المهم روحت اليوم عشان اوثق اوراق في القنصليه المصريه في الروضه طابور في عز الشمش الحارقه وطبعا انتم عارفين جو الكويت نار يا حبيبى نار الطابور من امام القنصليه حتى حولى ( طبعا دى تعبير فقط على مدى طول الطابور وهو ما نسميه استعاره مكنيه كتتشبيه على طول الطابور لا يوجد مظلات خالص خالص شمس محرقه وقلنا نار يا حبيبى نار الامن شباب زى الورد طول وعرض حاجه تفرح بس شخط ونطر في البشر وزج باليد للناس الغلابه اقف في الصف اقف في الصف فكرونى بالجيش ايام ما كنت عسكرى كان عندنا صول الله ينتقم منه اسمه دياب كان كاره نفسه جدا ومعقد جدا واحتمال انه حاصل على الابتدائيه بعد ان ذاكر حوالى عشرين سنه وخد الابتدائيه وكان يقول لنا الفاظ يعلم بها الله ويسب بالام والاب وتحت النار المحرقه اقصد الشمس فيه ناس كبيره في السن وحريم وكلهم سواسيه في المعامله المهم بعد ان اتبهدلت الدشداشه وصب عرق من فوق الى تحت كأنى واخد حمام نار نار

 

واخيرا واحد ابن حلال شباب اعطانى دوره ودخلت امامه الله يجزيه كل خير والحمد الله دخلت دخلت وفرحت جدا انى دخلت مشى عشان اخلص اوراقى لا والله عشان اهرب من الشمس وادخل المبنى في الصاله اخذت رقم 832 ده رقمى في الدور انتظرت الرقم حوالى ساعه الصاله لا يوجد مكيف والناس كتيره والاصوات كانك قاعد في سوق الثلاثاء وطول ما قاعد واحد بردوا كاره نفسه ماسك ميكرفون عامل فيها محمد لطيف بتاع الكوره وينادى على الاسماء ويشخط وينطر كانك في جيش انت فين يا فلان الله اكبر فلان الفلانى يا عم يا سيدى يا بشر ده الراجل اللى عامل فيها محمد لطيف ان انكر الاصوات صوت الحمير غير انك تشاهد الساده الامن الافاضل يشخطوا في الناس ويعاملوهم معامله اقسم بالله كانك مشى مصرى لو الواحد رايح ومعاه حيوان ورايح مستشفلى في الخارج في اوربا كانوا عاملونا احسن من كده انا بجد زهقت واصول الخص بقا نحن بشر ولا لا انا مصرى ولا من كالالمبور ليه المعامله اللى يعلم بيها ربنا دى ارحمونا وعاملونا كويس يا ابن بلدى وخليك محترم واعتبر ان الانسان اللى في الصف ابوك امك اخوك اختك غيروا البشر اللى في السفاره الرحمه ما موجوده في الدنيا الا عند الله عز وجل عجل يا رب بموتى حتى ان ارتاح من الناس اللى بتتحكم في الناس