أهل مصر الطيبين..
شعر/ إسماعيل عبد الهادي,,
يا أهــــل مصـــــــر الطيبين
المهمومين بهمهــــــــــــــــا
مـــــن شمالها لشرقهـــــــــا
مــــن جنوبهـا لغربهـــــــــا
يا أهــــــل حـــــــق ومؤمنين
من عصر أخناتون موحديــن
وموقنين بوجــــود ربنــــــــا
لا فينـــا كفــــــرة أو ملحدين
ولا للأديـــــــان منكريــــــــن
يعنى إيـــــه يبقى ما بينــــــا
جماعـــــــة اسمهــا مسلمين؟
حايعلمـــوا الإســـــــلام لمين؟
في الفجـــر ساعين للمساجــد
وفـي الصلوات مرفـــوع أذان
واحنـا ما بين راكــع وساجــد
قــــارئ وحافظ للقــــــــــرآن
ووجوهنــــا شطر المساجـــــد
ويـــــــوم الجمعـــــــة مؤتمين
يبقى قولــــــي إنتــــوا مـــين؟
وهـــو فيــه مسلم جبـــــــــان؟
ولا يفجــــــر فــــــي الإنسان؟
ولا عايش فــــي الجحـــــــــور
زي خفافيش الظـــــــــــــــلام
يبقى قولـــــــي انتوا ميـــــن؟
مــن أي ملـــــة وأي ديـــــن؟
ليه عندكوا الحـــرام حـــــلال
والمشكوك فيـــــــه يقيـــــــن
أهدرتـــــــــــوا دم المسلمـين
الشاهديــــــن الموحــــــــدين
يا أهـــل مصــــــر المخلصين
وحــــــــــــــدوا يالا الصفوف
انبــــــذوا بينكوا الخـــــــلاف
اوعــوا تخدعكوا المظاهــــــر
دينـــــا ديـن نيــــــة ويقيــــن
مش بالإسـلام بنتظاهـــــــــــر
شبكـــوا بينكــــوا الكفـــــوف
مصـــر بيكـــوا راح تطـــوف
وتعبـــــــر نهــــــــر المشاكـل
وكـــــــل خــــاين راح يشوف
حقيقته إنـه خسيس وفاشــــل
********