السلام عليكم ورحمه الله وبركاته ؟؟
سبحان الله دى صورتى وانا عيل ايام حلوه وجميله ايام الطفوله البريئه ايام كان الواحد مشى شايل هم ولا عارف ان الدنيا حتعمل فيه ايه سبحان الله ايام العز والرخاء كانت الناس حلوه بسطاء رحماء كله بيخاف على التانى كان الجيران اكتر من اخوات كانت هناك الصراحه والتواضع والادب كان ايامها الجنيه جنيه كان يشيله خمس افراد كان ليه قيمه وكل شىء في الدنيا كان ليها قيمه والحياه حلوه والدنيا مشى زحمه وكان الواحد ياخد خمسه صاغ ويروح المدرسه كان يشترى شيكولاته وملبس وكل حاجه حلوه وممكن وهو راجع البيت يقطع 2 كيلو لحمه وشويه فاكهه هههههههههه
كانت فعلا ايام الزمن الجميل جميل بجد كان الواحد ينتظر الاعياد الجميله عشان العديه من كل الاقرباء وكنت احب العيد عشان العديه وبس واللبس الجديد واروح المراجيح واتفسح واركب الحنطور واتحنطر وكنا بناكل لحمه في الفطار والغداء والعشاء والسحور وكل وقت والله ايام جميله جدا جدا
لكن الان في القرن العشرين والواحد وعشرين ( كل حاجه سوده ) الناس كترت الجيران اصبحت ترمى الزباله امام شقتك مفيش احترام لا كبير ولا صغير الجنيه اصبح يترمى في وشه الواحد لو اعطيته لابنى مصروف يرد عليه ابنى ويقول انت عايش يا بابا في العصر الحجرى ايام كوكو واوا في العيد حتى انا بطنش ادى ولادى عديه بطنش غصب عنى عشان هما ما بيرضوا باى حاجه عايزين شيكات لا عشره جنيه نافعه ولا عشرين ولا حتى خمسين نرجع بقا الى اهم شىء وهى اللحمه اللى كنا بنفطر ونتغدى ونتعشى ونتسحر بيها ما بنشوفها الا في الاعياد بس الاعياد بس هههههه وممكن في الافلام الابيض والاسود لان افلام اليومين دول فيها كورواسيه وفليه واكلات اجنبيه هههههههه
كان يا ما كان كمان التكاتك في الشوارع اصبحت حوالى 5 مليون تكتك على مستولى الجمهوريه اعتقد وكمان السواقين المحترمين بتوع التكاتك اصلا معظمهم كانوا مسجلين خطر وبتوع حشيش وبانجو وترامادول حاجه تفرح كده وتشرح القلب وانت راكب معاهم فى اى توصيله يعرض عليك تحب تعدل دماغك يا باشا اى خدمه تركب معنا تلاقى ما يبسطك من كل شىء حتى الفياجرا ايه الحلاوه دى والناس فى كل الشوارع تتخانق وتزعق وتشتم بعض الكل مخنوق مخنوق ( مخنوق المليجى هههههه) ايه بقا رايكم لما اقول يا ريت ارجع وابقى عيل واخد جنيه واكل لحمه مشى احسن
كل عام وانتم طيبين / تحبوا ترجعوا عيال ؟؟ ولا خلينا كده
نكته بقا على الماشى بمناسبه العام الجديد ؟؟( واحد صعيدى كان فى ليبيا / اشترى مروحه / رجع مصر / مراته فرحت بيها قوى / خرج من البيت قى مشوار ورجع / مراته قالت له / عارف يا محمدين ان المروحه دى اصيله قوى / قال لها ليه / قالت ليه كل ما تخرج واشغل المروحه تدور عليك فى كل حته هههههههههههههههههههههههه
طبعا مروحه 3 ريشه كل ريشه بتدور عليه فى ناحيه ؟؟؟