قالك أيه قالك أه
تعالى يا محترم واتفرج ع البلد
موسى نبى عيسى نبى محمد علية الصلاة والسلام نبى
وكل من له نبى يصلى علية
اتفرج ياسلام على سيرك ابو طاقيه!!!
بلد أسمها مصر وقعت يارجاله بين أطماع أخوان ومعارضة ونذاله وشرطة شايله ايديها وحرامية وسفاله وعيال ولاد كلب تحرش ونداله مش فارقه معاهم نسوان ولا بنت برياله أهو كله قلة ادب ووساخه وسقاله وفضائيات تولع نار وشغاله ولاعيبه كورة وافلامجيه زعلانه على الملايين العطلانه ورجال اعمال وهبيشه على اليغمه وعلى العيشه حزانا ياعينى على الشله وعلى اللمه وعيال قاعده عواله على اهالى تعبانه.. ويقولك أيه على المحدود على نهر النيل بيبنوا سدود نعيش عطاشى والزرع يموت.. ومرسى فين اراضيه حد يقول يا جماعته قنديل مشغول بمزرعته وكل مسؤول بمصلحته ..وازمة سولار فين ايام الحمار يا دوب عودين برسيم ويدور طول النهار ..فاكر رغيف العيش كان يجى لحد الدار مفقع وملدن وسحله ..مصر بقت وحله طب الحل ايه ماتقول انت يابيه لا برادعى ولا حمدين كادبين الأتنين وجوة أحزابهم الفساد فسادين أتفرج يا سلام اتفرج ياسلام مصر اتزحلقت ووقعت فى الحمام بوزها جه فى الكخ ياعينى عليك يا مصر لا ليك ولد ولا أخ .. يا عينى دمعى بدل الدموع دم ما خلاص مفيش مروقه مفيش غير الهم كلام فى كلام وحالنا اصبح غم .. بلدى فى الأنعاش وجالها شلل رعاش يارب متسبهاش يارب متسبهاش أسترها ما تفضحهاش لو الكل نسيها جلالاتك ما بتنساش .