fiogf49gjkf0d
السلام عليكم ورحمه الله وبركاته
اولا كل عام وانتم بخير بشهر رمضان الكريم اعاده الله عليكم بالصحه والعافيه والخير والاستقرار امه محمد عليه افضل السلام والصلاه ؟؟
ماذا يحدث فى مصر بلدى الحبيبه من مهاترات عن دستوريه وغير دستوريه ماذا يحدث من لخبطه وشخبطه واراء على عوده مجلس الشعب ولا عوده له يقولون ان هذه القرارات سياسيه وليست دستوريه يعلم العالم كله ان بلدى الحبيبه مصر فيها من الفقهاء والشيوخ والدستورين ما يكفى ان يوزع على العالم من قيادات عظيمه ورفيعه العلم فى الحقوق ويضرب لنا ان الساده القضاه المصريين يستعين بيهم العالم كله من خبراتهم القانونيه وكم من القضاه المصريين والدستوريين يستعين بهم كل الدول العربيه كمستشارين لحكام دول الخليج بل اكثر من ذلك السيده الوحيده المسلمه مستشاره للرئيس الامريكى اوباما معلش انا ناسى اسمها المهم ما اهدفه له الجدال والصراع الغير ادمى بل دموى بين شيوخ الفهاء فى بلدى الحبيبه مصر وكم منهم وضعوا دساتير لدول عربيه وخليجيه والكل يعلم ذلك الم يكن خبرتهم وثقافتهم وعلمهم جعلت العالم الخارجى يستعين بيهم ولا ننسا ان من وضع دستور الكويت كان من شيوخ وفقهاء وعلماء الحقوق كان مصرى بردوا انا اسف ناسى الاسم ؟؟ ولكن ماذا تسمى ما يحدث ؟؟ هل انقسم القضاه فى مصر الى قسمين فلول كارهين الاخوان ولا يرضوا على سيطرتهم على الحكم فى اى مجال هل نرجع تانى ونقول هناك ترزيه قوانين لصالح الفلول لرجوع التشكيك وهدم صوره محمد مرسى رئيس الجمهوريه انا عندى فكره لو روحنا الى فتحى سرور فى سجن طره وده اكبر ترزى ومقصه حلو جدا ويعرف يفصل كل انواع القماش وبيفصل دشاديش وبدل وقمصان وبنطلونات وكل ما تتخيله من التفصيل حتى لو طلبت منه حتى يفصل ملابس حريمى ما فيه مانع ده معاه مقص ماسكه من 30 عام يعنى راجل محترف قص ولزق ونساله بما يرضى الله دستورى ولا مشى دستورى سؤال محير قلب كل موازين الدنيا هل يا جماعه نجيب حكم دولى من الخارج يفصل ما بين دستورى ولا دستورى العالم كله بياخد باحكامنا ونحن الان فى لخبطه قانونيه انا عندى فكره نشوف كام قاضى ودستورى عندنا فى مصر ونعدهم وناخدهم استاد القاهره على ان يكون الشعب المصرى هو المتفرج وان تقام مباره ومبارزه قانونيه على الهواء وعلى القنوات الفضائيه وان يتبارزوا فى كل الثغرات القانونيه ونشوف مين اللى حيكسب بصراحه طول عمرنا نقول القضاء المصرى عظيم وشامخ ولكن للاسف وصلت بنا المرحله ان يتفرقوا ويختلفوا فى اهم شىء وهو الدستوريه او اللا دستوريه انا عايز اعرف حاجه حتججن عليها هو كتب الحقوق مشى كلها واحد والكل مذاكر كتب الحقوق كلها وليس بها اختلاف يعنى منهج واحد حقوق واحده تطبق على الشعب المصرى طيب ليه القضاه والدستورين مختلفين مشى ممكن اللى بيحصل ده على كده بقا نقول ان هناك قوانين ممكن تكون ظالمه وان يحكم على اى فرد بالسجن ويكون مظلوم الناس البسطاء وانا منهم حصل عندى رعشه عقليه تخلف بقول رعشه عقليه المخ بتاعى اصبح يهتز ويرتعش زى عقرب الثوانى انا بوجه الساده القضاه والدستورين على انهم يجتمعوا ويجيبوا كل كتب القانون اللى ذكروهم ويقفلوا عليهم المحكمه الدستوريه لمده اسبوع او عشر ايام حتى ان يصلوا الى نتيجه تجمع كل الاراء الصحيحه لان ده حكم ومستقبل بلد وان نترك كل الخلافات بينهم حتى ان يكون منظرنا امام العالم ان القضاء فى مصر كلمه واحده ومعلومه واحده وهدف واحد لانه بكده بصراحه التشكك فى الدستوريه واللا دستوريه يقلل فى نظرنا وفى نظر العالم قوه القوانين المصريه وتشكك فيما يحدث هل هذه قرارات سياسيه ام قرارت قانونيه وربنا يكرمنا ويزيح عنا الجدل وان لم يحدث هذا نريد تحكيم دولى ولا ايه ؟؟ واحنا اصل العالم بياخدنا الى التحكيم بالخارج مشى عايزين نقلل بعظمتنا وعلمنا وبعدين عندك واحد بيقول نطرح هذا للاستفتاء والنبى ده كلام استفتاء ايه يا عم احنا الشعب المصرى كله بيفهم فى القانون عشان نعرضه للاستفتاء ازاى يعنى هيا انتخابات اشخاص ولا ايه ولا احزاب مشى اى حد يفهم فى القوانين اذا كان القضاه انفسهم انقسموا مشى عارفين هل هو صح ام غلط تيجى للشعب وتقول استفتاء دستورى او غير دستورى ؟؟ ارحمونا بقا وبلاش فتاوى