fiogf49gjkf0d

الحكايه بصراحه بدون مط ولا تطويل دي حكايه عزبه كبيره
 أيوه عزبه كبيره الكل عارفها ومن أسمها بيحترمها ومن شعبها بيقدرها بس,,,,,,,

 العزبه دي كان لها ناظر حرامي وفاجر وعنده عيال كتير الى من صلبه قلائل بس عياله الباقيين كتير وعلى النهب متعودين وعنده كمان حبايبه وصحابه ومعارفه والكل عامل حبيبه وتحت أمره عشان من العزبه يسرق برحته.... وكمان كان عنده عسكر كتير تحت أمره يعملوا المستحيل قتل ونهب وضرب تقولشي كلاب ومساعيروطبعا الشعب الغلبان الى فى العزبه كان منهم الى خايف والى من الكلاب أنهبش وأنخرس.... الشعب الغلبان الى فى العزبه زهق وحتى مش لاقى الأكل بس لاقي الضرب والأهانه كتير وبدون رقابه... ناظر العزبه ده أصله فاهم وخبيث وعلى شعبه قاسي وبيضرب بالخراطيش ومش مهم الى يعيش ويموت المهم هو وعياله وفلوسه والباقي تطنيش المهم فى يوم قالت مرات الناظر أيه رأيك تاخد أبنك جنبك يحميك ويشد ضهرك ولو كبرت يحل محلك ويخليك أقوي وعلى الشعب الغلبان يكون مكانك قوتك ولسانك... بص ناظر العزبه وقال وأيه يعني ماهي عزبه مش دوله أخد أبني جنبي يكبر ويشد ضهري وبعدين يكون ناظر عزبه على الشعب الغلبان الجعان وهما حيلاقوا أحسن منه يا عمري..... بس الولد بن ناظر العزبه كان مستعجل وبسرعه حب يسبت لأبوه أنه فى الحكم متودك راح أتحكم فى كل حاجه فى العسكر والشعب ومسؤولين العزبه متقوليشي من يومه متثبت.... ناس العزبه الغلابه صلوا ودعوا عليه وكان فيهم شويه بتتكلم بدون خوف بس صوتهم كان ضعيف بدون صوت... الباشا بن ناظر العزبه بقدره قادر وسبحان الله بقى الأمر الناهي فى كل شيئ يعين ويحط ويشيل ويأمر ويقول ده كلامي ويتنفذ... وناظر العزبه سايب أبنه يعمل كل حاجه وبيقول ما هي عزبه ومش محتاجه؟؟ والكل جنب الواد صغيرين خايفين منه ومستغربين يبقى ده قد أبننا ويحكمنا ويحكم علينا رد واحد منهم ماهو دلوقتي الحال أتغير والكبير ساب الحكم للواد وأسكتوا أحسن لكم أصله ما بيرحمشي ومعندوش تفكير خلونا نقول حاضر وأي حاجه يأمرنا بيها نقول نعمين....

كل ده والشعب الغلبان ساكت وغضبان بس ما بيد الحيله ما أحنا قلنا عندهم عسكر ما بيرحموش تقولشي كلاب وبتجري على كندوز.... والشعب كان بيخاف جدا من العسكر ليه ؟؟؟؟ أصل العسكر ده كان بيضرب ويعزب ويموت وفى الأخر يقول شغلنا ومش بنقصر نحمي العزبه من الشعب أحسن ما نخسر,,, المهم الشعب زهق ومن الخوف طهق وخلاص قال أخرتها أيه حنموت طيب وأه يعني ما الموت أشرف وطلعوا كلهم وسموها ثوره وكانت كبيره وقويه والكل أستعجب وقلنا كلنا دي شويه وتخلص طب حد يقدر على الناظر ويغير.... مش حقولكم العسكر ضرب وعزب وموت وبالبارود أستقوي وفاكر أن الشعب يومين وحيسكت.... بس المفاجئه أن الشعب الغلبان زهق ومن النظام كفر وقرر يغير الناظر وأبنه ويحط الى يحبه.... والحمد لله نجح الشعب الغلبان وغير وأنتصر والكل كان فخور بأهل العزبه وبدأت العزب التانيه تفكر ومن العبره تاخد وتقرر.. وبعدين من بعد ما كانت عزبه بقت دوله وأسمها عالي والكل بيها بيفتخرورفعنا راسنا وقلنا كانت عزبه وبأيدينا غيرناها لدوله .... بس المشكله دلوقتي لما بقت دوله؟؟الكل فيها طمعان وعاوز يركب على الثوره ويقول أصلي أنا الى عملتها دوله ماهي كانت عزبه والكل خرسان,,,, بس بصراحه دي مش نهايه الحكايه دي كانت البدايه ومن البدايه حنتكلم كل مره عن الدوله الى كانت عزبه....

ومعلشي محدش يقول أني مسطول وبهييس بس دي شويه صراحه لكل الناس المرتاحه...وحنكمل حكايه الدوله الى كانت عزبه ومن القلب حبنها..