|
افتحوا حساب فى مصر |
|
السلام عليكم اخى الفاضل ابن النيل طبعا فكره رائعه وجميله وده اقل واجب للشهداء العظماء ممكن عن طريق السفاره المصريه بالكويت والتنسيق مع د عصام شرف ان تفتحوا رقم حساب ويعلن عنه فى الموقع وكل واحد يروح يتبرع عن طريق هذا الحساب الرسمى المعتمد حتى الكل يكون مرتاح نفسيا ويعرف الكل ان التبرع سيصل الى مستحقيه عن طريق رئاسه الوزراء فى مصر والتنسيق مع السفاره المصريه بالكويت ده مجرد راىء والفكره جميله جدا بارك الله فيك ابن النيل وكلنا اولاد النيل ومصر وشكرا لشركه الميزينى
|
|
|
هو ده معدن المصريين الاصيل |
|
هو ده فعلا المعدن الاصيل اللي بيظهر وقت الشدة اقتراحك جميل وسهل جدا يابن النيل وفكرة الاستاذ عبدون رائعة وهي فتح حساب مباشر باشراف السفارة وعن طريق مجلس الوزراء بس انت تعرف كل المصريين فعلا عاوزين يساهموا بكل مايستطيعوا لكن الناس دايما تحتاج الي من يحفزها واقتراحي ات نقوم بتكوين مجموعة وندير هذا الامر ولو في ايام العطل فقط ولو امكن يوميا بعد الدوام حتي نستطيع جمع اكبر مبلغ ممكن وكل مبلغ يتوفر معنا نقوم بتحويله مباشرة
لكن لا بد من اناس يقومون علي هذا الامر وانا مستعد للمشاركة وده رقمي للتواصل 66481980 وقد طرحت اكتر من فكرة ولا تنتظر مجلس الجالية لانه مش هايعمل اي حاجة الا اذا I:
|
|
|
نؤيد الفكرة ونشجعها |
|
الاخ الفاضل ابن النيل هذا الكلام ان دل يدل فعلا على انك ابن النيل الذي ارتوى من مائه واكل من زرعه اتمني على الجميع في الكويت من المصريين خاصة بأن يتبرع بالدينار الذي قال عنه الاخ الكريم واعتقد نظرة الاخ ابن النيل هادفه لما يقطن الكويت ما يقارب 250000 الف مصري يعني ربع مليون مصري بالكويت ولو ان كل واحد تبرع فعلا بالدينار المذكور لوصل المبلغ ما يوازاي 5000000 خمسة ملايين مصري وهذا المبلغ لو تم التعامل معه داخل البورصة المصرية مع شركة معروفه جيده لاستفادة منه البورصة وايضا استفاد منه المعنين بالامر وهم اسر شهداء الثورة والجرحي ايضا
نشكر الاخ الفاضل ابن النيل
واشكر الاخ سليمان عبدون على طرح فكرته عن طريق السفاره او السيد رئيس مجلس الوزراء المصري
واتمني من الجميع المساعده والمساهمة لكن دلونا على الطريق
المجد للشهداء والجحيم لازلام خائن مصر السابق
|
|
|
نظام بائد!!!! إذا لم تستحي!!! |
|
عيب بجد أننا نقول نظام بائد!!! هو صدام عشان نقول كده!!!!
كان كل المصريين من ثلاثة اشهر بيهللوا للنظام ويتمنوا له الرضا يرضى .يا جماعة عيب بجد شوية أدب..نقول نظام سابق نظام منتهي...لأن النظام في مصر هيفضل هو هو نفس النظام مفيش تغيير إلا تغيير حدث عن طريق تغيير 1 % فقط من وجوهه!!!!!!!!!!!!!!!!
وسلملي على الثورة والثوار!!!!!!!!!!!!!!
|
|
|
ليس تبرع بل واجب وأمانة فى عنقنا |
|
الفكرة جميلة - واكاد اقسم انها فى مخيلة كل مصرى - من كل فئات الشعب - وليس المصريون بالكويت فقط - بل المصريون فى العالم اجمع - وفى ارض الكنانة نفسها - وأننى نيابة عن نفسى واسرتى وعائلتى اوكل السيد / مدير الموقع - بتتبع هذه الفكرة - ومتابعتها مع جهة الاختصاص - لفتح الحساب والتنسيق فى كيفيه اداء الامانة - للشهداء والجرحى والمصابين من احداث الثورة العطيمة - والله الموفق -
محمد فؤاد
|
|
|
زعلان ليه يا فارس |
|
السلام عليكم يا فارس انت زعلان ليه من الثوره والثوار مالهم مشى هما دول اللى نضفوا مصر من الحراميه اخ فارس وبعدين تقول نظام بائد الم يكن نظامهم ظالم ولا احنا بنتجنا على الناس مشى عارف حضرتك تقصد ايه وبعدين معظم الناس الشرفاء كلهم كانوا ضد النظام من زمان واصحاب مبداء لكن المتحولين واللاعبين على الحبال معروفين اح فارس من زمان
واخى الفاضل عمر النظام فى مصر ما حيكون يرجع الى الوراء خالص خالص اطمئن اخ فارس وانت اسمك جميل فارس لابد ان تركب مع الثوار جوادهم الى الامام يا فارس وتسلم انت عليهم بنفسك يا فارس
|
|
|
إلى الاستاذ عبدون ...مع التحية |
|
استاذ عبدون
انا مش ضد الثورة ابدا ولا ضد الثوار....انا فرحان جدا أن الناس كسرت حاجز لخوف واتكلمت...المشكلة تكمن في اننا لو اختزلنا الفساد والمفسدين في الرئيس السابق مبارك وحاشيته نبقى غلطانين.....انا قصدي انه نظام البلد غلط في غلط...القوانين لازم تتعدل وجهابذة القانون لازم يخففوا الاجراءات..وتشديد القوانين لمنع الرشوة والمحسوبية والارتزاق من المنصب.....لازم يعدلوا الهيكل الاداري للبلد من جديد
احنا ماصدقنا إن فيه أمل لكن اللي بيحصل دلوقتي كلام مش مظبوط...زي ما كانوا بيطبلوا لمبارك 30 سنة دلوقتي بيطبلوا لعصام شرف والمجلس العسكري والثورة....وده غلط لازم نستفيد من أخطاء الماضي....ثورة يعني الامور تتعدل 180 درجة طبعا مش في يوم وليلة بس نلاقي الامل
الناس لازم تبطل كلام على الفاضي
الناس لازم تبطل تروج الاشاعات
الناس لازم تبدأ تشتغل
الناس لازم تبدأ محاربة الفساد اللي في النفوس
الناس لازم تنتج
الناس لازم تفوق لنفسها
احنا بنتكلم كتير جدا ومش بنعمل حاجة
ولو كان شباب الثورة او الثوار 2 او 5 او 10 مليون فين ال85 مليون التانين ساكتين ليه؟؟
الظلم لازم هيكون موجود لأن فيه بشر مش ملايكة
نسيبنا بقى شوية من الماضي والللي حصل ونفكر - نفكر - نفكر - في المستقبل
ونشتغل - نشتغل - نشتغل لبكرة
|
|
|
مصر ولاده |
|
اشكر الاخوة المتفاعلين معي الفكرة واشكر طيب ردهم الجميل وايضا نشكر فارس لتشككه بالثورة والثوار ولابد من اناس لا يعجبهم الحال عموما
اتوجه بالشكر الجزيل للسيد صلاح العيسوي لما ابدى من تفاعل جاد وهادف وانا ياسيدي مع فكرتك بتكوين مجموعات من اهل الخبره والثقة والامانه واطالب القائيمن على الموقع او السفاره او القنصلية بتدبير موعد لنا لمقابلة ومحادثة السيد رئيس مجلس الوزراء عند حضورة للكويت والاتفاق مع على آلية وتوجيه تلك الاموال بعد صرفها من الكويت إلى مصر الحبيبة
كما اشكر الاخوة المحترمين سليمان عبدون واعجبني ردك على فارس لما فيه من احترام وتربية واخلاق واشكر السيد محمد البكري الذي فعلا اصاب فكرتي بالصميم
واتوجه للجميع بما فيهم القائمين مرة اخرى على الموقع بالتفاعل معنا ومساعدتنا لإيصال تلك الاموال لشهداء مصر ولمصابين مصر رحم الله شهداءنا وشفى الله جميع مرضى الثورة المجيده
والمجد للشهداء وجهنم للحزب الوثني ومن ولاهم
|
|
|
اخى فارس |
|
السلام عليكم اخى العزيز فارس انت الان فارس بلا جواد نعم اهم شىء انك فرحان جدا بالثوره والثوار وانا معاك فى كل ما قلته سيدى العزيز بس هناك فرق كبير بين ما يطبل لمبارك سابقا فهو كان منتفع وحرامى زى النظام السابق كله اخ فارس اما الان الكل مع الشرف واحلى من الشرف مفيش اخى الفاضل ان د عصام شرف عمل الكثير من يوم الثوره والكل احس بنظافه الرجل وخوفه على مصر ويكفى لنا الان وعمرها ما حصلت فى العالم من هم فى السجون الان اكبر حراميه وبلطحيه الحزب الوطنى سارقى مصر المحروسه انتظر ان شاء الله مصر حتروح فين بعد الثوره العظيمه بارك الله فيك اخ فارس وجعلك فارس علطول تدافع عن الحق وعن بلدك مصر اخى الفاضل ولك تحياتى
|
|
|
الدعاء |
|
ندعو اللة العلى العظيم الكريم ان يفك قرب العرب والمسلمين فى مشارق الارض ومغربها قولو يا اللة
|
|
|
اختلف معك لكن احترم رايك |
|
يا استاذ فارس لك كل التقدير والاحترام ولكني لي كل الحق ان اختلف معك من حق كل مصري اتظلم واتفقر واتهان في عصر مبارك ان يقول عليه بائد فهو من وجة نظري اسوا من صدام او هم في الظلم والفساد سواء وكل مااتذكر ما فعله في المصريين في الداخل والخارج لا اقول غير حسبي الله ونعم الوكيل
|
|
|
اختلف معك لكن احترم رايك |
|
يا استاذ فارس لك كل التقدير والاحترام ولكني لي كل الحق ان اختلف معك من حق كل مصري اتظلم واتفقر واتهان في عصر مبارك ان يقول عليه بائد فهو من وجة نظري اسوا من صدام او هم في الظلم والفساد سواء وكل مااتذكر ما فعله في المصريين في الداخل والخارج لا اقول غير حسبي الله ونعم الوكيل
|
|
|
الاخت عبير |
|
السلام عليكم اخت عبير يا ريت الناس تفهم ونسبنا من الحنيه اللى ودت الشعب المصرى فى داهيه لا رحمه ولا مغفره على كل الفاسدين الذين سرقوا مصر واحلام الشباب وارتفاع البطاله بين الشباب وارتفاع نسبه العنوسه بين بناتنا وعدم الزواج وارتفاع الاسعار ورغيف العيش والطماطم واللحمه بالمناسبه اللحمه لسه موجوده فى السوق اصلها وحشانى من زمان مشى بكلها الا لما واحد يعزمنى او فى فرح او عقيفه حرمونا من كل شىء وخدوا كل شىء ناس كانت هايصه وناس 30 عام لايصه روحوا المستشفيات وشوفوا الغلابه مفترشين على الارض اركبوا الاتوبيسات وشوفوا الذل والمهانه روحوا اقفوا فى طوابير العيش والبوتجاز روحوا اى مصلحه حكوميه وادفعوا الرشاوى عشان مصلحتكم تمشى شوفوا التعليم وزكى بدر قرف الدنيا شوفوا الجامعات الخاصه والاستغلال الرسمى حتى التعليم المجانى بقا بفلوس عايز اعلم ابنى حتى لو جاهل ميعرفش الالف من كوز الذره اخليه دكتور ومهندس على راى البرنامج بفلوسى الظلمه مشى سابوا لينا حاجه عصروا مصر عصرا منصوب بالفتحه والضمه والكسره كسروا شيمتنا من امن الدوله وطوا رؤسنا فى الارض سحقونا سحقا مبينا على عينك يا تاجر نعم زعيم المافيا حسنى مبارك لم يترك شىء الا وتاجر بيه عو وعياله حتى تجاره السلاح حتى باع اولاده ديون مصر والغاز زكل شىء باعوا تراب مصر واثار مصر وامجاد مصر وسكنوا القصور والفلل وامتلكوا افخر السيارات والطائرات وحتى ماما سوزان الناهبه المدمره دى عصابه امر من عصابات ايطاليا افاقوا المافيا وهم امر من المافيا لانهم تاجروا بقوت الشعب العظيم وتقول المغفره والرحمه وليه هما مشى رحمونا الله ينتقم منهم اكل مسرطن اكلناه مرضونا ولاد ؟؟؟؟؟؟؟؟ حسبلا الله ونعم الوكيل من يطلب لهم الرحمه فهو ظالم اثم بيضيع دم الشهداء العظماء الذين دافعوا عنى وعنك حتى ان تنضف مصر من الاوساخ الجاحدين
|
|
|
السيد سليمان عبدون والسيد صلاح العيسوي |
|
اشكرك مرة اخرى وارغب بالتحرك بجدية تامه حتى لو اتفقنا سويا والذهاب للسفارة ووضح رقم حساب ونعلن عنه بالموقع او الصحافة الكويتيه ليتبرع كل ما هو مصري على ارض الكويت لشهداءنا الابرار ولاخواننا المصابين.
ولو انني جائتني فكرة لا اعلم تروق للاكثريه ام لا وهي انشاء مباني تجاريه واستثمارية خاصة ( وقف للشهداء والمصابين ) وينفق من ريعها على المعنين
ولدينا من دراسات الجدوى الكثير لقبول مردود مادي كبير يغطي اسر الشهداء والمصابين
والله ولي التوفيق
اخوكم ابن النيل
|
|
|
هيا نتحرك بقي |
|
ابن النيل نزل رقم تليفونك او اتصل بي علي الرقم الموجود في التعليق ويالا بقي نبدأ ونحاول تكوين مجموعة اشخاص متحمسين مثلنا ونبدأ فعلا .
|
|
|
فكرة التبرع بدينار |
|
فكرة جميله وقمت برفعها امس للدكتور عصام شرف قبل ان ارى الموقع ويمكننا ان نتعاون جميعاً على نشرها واتمنى ان تتم بالصورة التالية :
1- فتح حساب باسم المشروع فى احد البنوك الكويتيه
2- عمل موقع على النت يتيح التبرع اون لاين عن طريق الكى نت لنفس الحساب
3- الاعلان فى الجرائد والاعلام عن المشروع لنشرة
4- الهدف من المشروع دينار من كل مصرى او مضعفاته شهرياً لنهضة مصر
5- يتم الاعلان بشفافية عن الموضوع والارصدة المتحصل عليها
6- تكوين مجموعة من المصريين تراقب اداء السفارة وتعلن تقارير منظمة عن المبالغ المتحصل عليها
7- يتم توجيه المبالغ شهريا الى ( شراء مصنع - الاستحواذ على شركة قومية - بناء مصنع ) لدعم الصناعة فى مصر واقتصاد مصر .
للتواصل وتفعيل الفكرة
50591810
م . احمد حسنين
|
|