السلام عليكم ورحمه الله وبركاته / سارعت الحكومات العربيه بعد ثوره الشعب فى تونس الى ارضاء شعوبها بكل السبل حتى ان يكون فى عيونهم حصوه ويسكتوا وخلاص شعوب غلبانه والله بترضا باى حاجه الناس عايزه تعيش مستوره مشى فاضيه الا للقمه العيش وكل واحد يقول وانا مالى يا عم عندى عيال عايز اربيها وخلاص حكام سرفوا فلوس لشعوبهم وحكام قالوا دى اخر مره انزل انتخابات الرياسه القادمه وحكام وعدوا تشغيل العاطلين وحكام صرفوا مواد غذائيه مجانيه وحكام رفعوا رواتب المهم الكل سعا الى ارضاء شعوبهم عشان يتهدوا شويه ومشى يعملوا مشاكل ويبصوا الى تونس وثورتها طيب احنا فى مصر ما احد عبرنا كل اللى عملوه كانت هناك قرارات لرفع بعض السلع والبنزين وضرائب ومشى عارفين ايه اللى كان مستخبى اصدر قرار محدش يطلع حاجه دلوقتى لما الوضع يهدا وبعدين صرفوا لكل منتحر واخد بالك لكل منتحر مبلغ من المال رحمه ونور عليهم رغم لا يجوز الرحمه على منتحر وربنا اعلم بذلك هدوا الناس وبس طيب يجرى ايه لو تصالحتوا مع الشعب الغلبان ده شعب الكرامه والعزه والفخر والانتصار شعب العلماء والمثقفين شعب عمره 1000 عام ان تصدروا اوامر بصرف فلوس لهم تحت اى مسمى زى العمال الغلابه ما يستنوا عيد العمال ويقوم واحد وسط الاحتفال يقول المنحه يا ريس المنحه يا ريس واحد يقول دلوقتى انى مجنون فلوس مين يا عم اللى نعطيها الى 80 مليون شعبنا كبير قوى الميزانيه لا تسمح وخراب بيوت انت اهبل يا بنى طيب اللى صرف منح وفلوس شعبه كله مليون + 120 الف بس حاجه صغيره كده يعنى زى شباب شبرا مثلا اقول وارد عليه مفهاش حاجه والله انت حتصرف الى الغلابه بس اللى دخله معدوم ومن غير دخل للموظفين الغلابه يعنى حتعملوا احصائيه للغلابه وبس لان عندنا من الاغنياء فى مصر كتيييييييييير قوى يعنى حتصفى على حاجات بسيطه يعنى انت شفت واحد غنى مليونير حرق نفسه كلهم ناس بسطاء وغلابه وبعدين تعالا هنا بدال ما انت زعلان قوى وقاعد تجبها يمين وشمال اعتبر يا سيدى الفلوس اللى حتصرف للغلابه ان واحد من رجال الاعمال اخد قرض من البنك وفر وهرب الى الخارج اعتبرها يا سيدى واحد خد المتر ب 50 قرش فى مدينتى من الحكومه اعتبرها من عموله الخصصه لاى مسئول لما باع ممتلكات مصر اعتبرها وانت عارف الاعتبارات كتيره اعتبرها من الاراضى اللى اخذت ببلاش فى توشكا وما ادارك توشكا وغيرها مليارات راحت اعتبر اللى حتعطيه للشعب حاجه وراحت بس دى بصراحه ما حتروح حتفك على الناس قوى وحتدخل السرور عليهم اعملوا اجتماع مع رجال الاعمال والمليونيرات وشوفوا حبايبنا العرب فى الخارج الزعماء يرسلوا لنا اى فلوس مساعدات للشعب وهيا حاسبا نفسها ووزعوا الفلوس دى على الغلابه يعنى ملك الملوك الاخ العقيد الفاتح القائد الزعيم )) انا ناسى حاجه من المسميات للعقيد القذافى لاروح فى داهيه / عمل ايه وزع الثروه على الشعب الليبى وعملهم فئات الى خمسه فئات ووزع عليهم الثروه بتاعت الشعب ما هى اصلا فلوس الشعب يا عم اللى يعيشنى اقول له بابا وتحيا العلم وبلادى بلادى اسم الله عليكى يا بلادى انتم شفتم زين العابدين حساباته كام فى 23 سنه رجل عصامى وزوجته مشى رحما الشعب واخذت طن ونصف ذهب / ذهب ذهب ذهب طارق علام / اذا كان ملك برناوى اغنى اغنياء العالم عنده 1932 سياره وقصور وكل قصوره من الذهب الخالص طبعا مشى الطوب لا الاكر بتاعت القصر والحمامات وغيره وغيره ارحموا الشعوب الغلابه كده الناس اتحرقت بنار الجوع واعطونا منحه لوجه الله والله ما حتفرق معاكم بس احسبوها راضوا الشعب والمنحه يا ريس وازيكم بقا ::::::::::::::::::::::::::::::::::::::: سليمان عبدون / محرر بجريده المعاصر الاخبارى / وعضو بالمركز القومى لحقوق الانسان / ومؤسس حزب صبر ايوب