واحد مزارع بسيط قالي زهقت والارض جفت والزرع مات والتاني كان عامل قالي المكن صدى وبيت صحبة اتخرب وقالي بياع الفول المدمس والله مش لايقين الفول الناشف عشان ندمسه وقالي جزار بقالي اسبوع ببيع في عجل واحد وباقي نصه وقالي شحات محدش عاد بيعطف عليا ما هو كل العالم بقوا شحاتين زيي والكناس في الشارع قال كنا زمان بنكنس شوية ورق وتراب دلوقتي المقشة مش قادر احركها لأني بكنس زلط وطوب وبقايا حريق وملتوف وقنابل مسيلة للدموع وقالي شاعر امتى يا مصري تبتسم والضحكة على وشك تترسم والشمس تطلع ونحب بعض واللقمة بينا تنقسم ،، ورسام فنان كان بيرسم مصر قال بقالي كتير بدور على لونين الابيض والاخضر ،، بس مش لاقي غير لون الدخان الاسود والدم الاحمر ،،، قول يا مصري