fiogf49gjkf0d
بداية انا مش كاتب ... لأن الكتابة موهبة مش مهنة او صنعة مكتسبة. لكن حبيت اكتب في قسم المقالات على أمل ان شكوتي او بمعنى اصح رجائي يوصل لحد مهتم بينا ... معقول هو في حد ممكن يهتم بينا؟؟
سؤال كنت بسأله لنفسي هو مين ممكن يهتم بيا غير أمي - الله يبارك في عمرها - أو أبويا -الله يرحمه - ؟؟ حتى أخواني وأخواتي الأشقاء انا متأكد ان كل واحد فيهم مهتم بنفسه وأهل بيته .. ودا غصب عنهم عشان ظروف الحياة اللي مش عوزه تسيبنا ف حالنا شوية. انا طولت عليكم .. ودلوقت هدخل ف الصميم. تخيل انك شغال موظف في جمعية خيرية - خد بالك من خيرية دي - الجمعية بدأت توقف على رجلها معاك ومعاك اتبنت واتشهرت يعني بمعنى أصح انت عشت مع الجمعية منذ نعومة أظافرها. كل يوم رايح الجمعية الخيرية . . مهو أكل عيشك برضوا .. وعلى الرغم من ان إقامتك مش عليها .. إلا إنك بتخلص ليها وتتفانى في عملك، وبتدافع عنها في غيبتها. المهم لكفائتك وأمانتك عينوك في الجمعية الخيرية على صندوق الرواتب ... ايوه يا عم كل شهر بتقبض الناس رواتبهم - يعني في ايدك كل شهر 4 او 5 آلاف دينار ... هما صحيح مش بتوعك ... لكن في حد استأمنك عليهم .. حد فيكم مسمعش عن المثل اللي بيقول (( أخرت خدمة ال .... علقة )). اكيد كلنا سمعنا المثل دا .. بس اتمنى محدش يجربه. المهم بعد 20 سنة !!! اي والله عشرين سنة مش سنتين ولا ثلاثة. يكون جزائك اي ... ؟؟ تكريم؟؟ لا إحالة على المعاش؟؟ ولا دي كمان. جزائك التفنيش ... وعشان هما صعبان عليهم العشرة (الايام يعني) أعطوك 3 شهور مكافئة من عندهم ... !! اه نسيت اقولك ... انت لك 20 سنة .. راتبك كله على بعضه يوم ما زاد وبقى فله كان ( 140 دينار ) بعد عشرين سنة. وكمان ملكش اي اجازة .. يعني الأجازة بتاعتك غير مدفوعة الراتب. والمرضية كمان كانت تتخصم من الراتب. وأعوى تتكلم عن نهاية خدمة لأنك اصلاً بتخدم الغ.... ز. إي دا كله .. هو انت ياعم بتشتغل هناك لي؟؟ أقولك لقمة العيش وكمان ... حبي وإخلاصي للمكان. المهم انا طولت على فكرة مش انا اللي حصل معايا الموقف دا ولكن واحد من الناس (طبعا مش عمر الليثي) ولكن واحد فعلا صعبان عليا عمره حاليا فوق 50 سنة .. هيلاقي وظيفة فين دلوقت؟؟ أولاده ف الجامعة ف مصر وهنا ف الثانوية العامة ومراته مش بتشتغل وراتبه الصباحي على قده وانا متأكد من الكلام دا .. يا سلام لو كان الراجل دا أمريكي أو يهودي اسرائيلي ... كان هيلاقي فعلا اللي يهتم بيه. الحمدلله الثورة المصرية قامت ومسير الراجل دا مسيرة في يوم من الايام يقول زي جده مصطفى كامل ((( لو لم أكن مصرياْ لوددت أن أكون .. مصرياً ))) سلام عليكم