يا لاهوتى يا خرابى هكذا صاحت أم عبير بياعة الفجل والجرير على ناصية شارعنا وهى معروفة بأراءها اللازعة ضد الجميع الحكومة والشعب ومش عاجبها العجب ولأنها ساقطه أعدادية قديمة تلاقيه بتقرأ الجرايد كل يوم الصبح جرينا وخرجنامن بيوتنا خير يا أم عبيروبدون تردد أنطلقت ذى المدفع الرشاش تقول الراجل المحترم اللى أسمة شرف ضحكوا علية ولاد الأية ووقعوه على عقد جديد للأمير أسمه أية دة الوليد دة غير بقية المصالحات اللى نازل يوقع عليها مع الأجانب والمصريين من الحرامية ولاد المفكوكة هما بيسرقونا تانى ولا أية؟! رد واحد من الواقفين لأ يأ م حسنين الموضوع مش كدة دة بس الأقتصاد بتاعنا محتاج وفجأة قاطعت الرجل أقتصاد أية بس اللى يخلينا نتسرق مرتين بس دة حتى عيب يا أخويا الراجل شاكلة محترم بس مش عارف يدورها " والمقصود هنا أن يدير الأمور" رد واحد أزاى؟ فأستطردت تقول الراجل مؤدب ومحترم بس التقارير اللى بتجيلة بتفهه حاجات غلط ومفهمينة أن البلد لو شد عليها شوية هتنفرط بس لأ والله أحنا مستعدين نعيش عشر سنين على لقمة ناشفه وشوية ملح بس مصر ترجع أقوى من اللى فات دة حتى الدول العربية بتحاول تدخل فى كل صغيرة وكبيرة وهو برضوا مش عايز يقف واقفة شديدة فى وشهم والناس مفهماه أن العلاقات الأقتصادية وأبصر أية بلا نيلة هو حد بيدى حد حاجة من غير ما بياخد قدامها بدل الطاق أتنين يا عينى الراجل مش قادر يعمل حاجة واللى حواليه مش بيساعدوة والمجلس العسكرى شادد حالة علية بدل ما يشد ظهرة بكرة تقولوا أم عبير قالت الراجل دة هيقع واقعة سودة ربنا يستر علية وبعدين مشكلة المية دة سابها خلاص ولا أية دة البلد عندنا الزراعة اتبهدلت ومفيش ميه ربنا يستر من أسرائيل والبلد التانية دة على هتعمل السد بس أنا مش فاهمة لية مش راضين يسيبوا الراجل يتصرف مش هوة الريس دلوقتى بصراحة أنا شايفة ميت الف ريس وربنا يستر وفجأة أنتصبت واقفة من فوق القفص التى كانت جالسة علية وفى صرامة شديدة قالت ياله كل واحد يشوف مصلحتة وبلاش وقف حال وانفض الجمع ولنا غدا لقاء مع أم عبير بياعة الفجل والجرير