بص يا ابو وليد أنا أقولك السبب في هذه المهزلة اولا ان احنا هنا ملناش كبير يتكلم عننا ويحافظ على كرامتنا ومحدش يقولي انت مبالغ لان الوضع اللي عايشينه والمواقف اللي بنتعرض لها يوميا هي اكبر دليل وثانيا ان الاخ الكاتب اذا كان بيجيب اخباره من مندوب في مصر فده طبعا عشان المندوب او المراسل (ده اذا كان فيه مراسل اصلا) بياخد مثلا على الخبر قرشين وصاحبك هنا يقبض بالدينار وكله في الحساب نازل يا عم ابو وليد وخليها على الله كله بيبيع كلام على كله... يعني انا مثلا مشفتش لحد دلوقتي صحفي مصري مقيم بالكويت كتب عن موضوع تامين الناس اللي نازله بسياراته عن طريق السفر البري وكيفية عمل خطوات جادة لتامين هؤلاء المسافرين وخصوصا انهم سوف يتنقلون على الطرق السريعة التي ليس بها خدمات ولم اقرأ لأي واحد منهم انه كتب أو أوعز إلى أحد أن يكتب في الجرائد المصرية مطالبا الجيش والشرطة تامين هذه الطرق وعمل كمائن في مناطق متقاربة ووضع وحدات من الجيش لتامين هؤلاء الناس اللي بيستنوا الصيف بفارغ الصبر عشان يسافروا يشوفوا اهلهم في مصر وطبعا بيضطروا من غلو اسعار الطيران الذي اصبح لا يمت للإنسانية بصلة ده كله خلاهم يسافروا بري ويتحملوا عناء ومشقة السفر بالسيارة.. وبعد ده كله تقولي صحفي مصري خليها على الله يا شيخ. يارب الاقي ناس تسمع وتحس... وياريت الأستاذ اسامة لو يعرف حد من زمايله في مصر صحفي في جريدة مصرية انه يثير هذه القضية فما تبقى من الوقت ليس بكثير وسوف تحل الكوارث على الناس اللي نازله بري لو حصل معاهم شيء في الطريق وخصوصا ان السيارات اللي عليها لوحات جمارك هتكون مطمع للجميع من البلطجية ولسه انا امس قرأت في جريدة الراي عن حادثة من هذه الحوادث وربنا يسترها على الجميع والسلام عليكم