بسم الله الرحمن الرحيم
أخوانى انى والله لأتعجب مما أراه اليوم أمام عينى ومما يحدث فى ليبيا ، طبعا نحن نعرف أن هناك تحالف دولى لعمل حظر جوى على ليبيا وذلك بقرار 1973 الخاص بمجلس الأمن ولكنت ما أثار حفيظتى هو تدخل كثير من الدول فى ذلك الأمر ، بالأمس القريب كانت فرنسا وأمريكا وبريطانيا وهم من أرسلوا طائراتهم لقصف ليبيا ، هم يقولون أنهم يقصفون قوات القذافى ومدرعاته وآلياته ، واليوم نجد أن الدينمارك والنرويج وبلجيكا سيقوموا بأرسال طائرات ، يعنى بالعربي كده ستة دول مشاركة بخلاف أن هناك دولتين عربيتين مشاركتين معهم ألا وهما قطر والإمارات طيب السؤال هو ليه كل هذه الدول عشان القصف يعنى ؟ من يومين يطالعنا أوباما أفندى ويقول انهم لم يأتوا لقتل القذافى ولن نقتل القذافى بل جئنا لحماية المدنين ، يعنى أنت جاى لحماية المدنين ؟ حلو خالص ومش جاى لقتل القذافى ؟ خمسين حلو خالص ! طيب أنت جاى عشان أيه بالضبط ؟ أقولك يا عم اوباما أنت جاى ليه ؟ أنت جاى عشان تقتل الجنود والعسكرين طيب كام واحد مات من العسكريين الليبين ؟
أنت جاى عشان تقضى على أليات جيش ليبيا وتخليها بدون معدات طبعا ده اول سيناريو من سناريوهات الحرب على ليبيا طب مش من الأفضل بدل ما تقتل الجنود هؤلاء كلهم وتدمر قوة الجيش الليبى تروح تقتل القذافى وتريح الدنيا وتريحنا ؟ يا أخوان الموضوع أكبر من حماية المدنين وطبعا اخوانا العرب رؤساء الدول فرحانيين وماشين وراء التصريحات الأمريكية الرنانة بحماية المدنيين الأهداف أكبر من كده النهاردة فى طيران بيقصف وبعد ما يخلصوا على القوة العسكرية الليبية وينهكوا قواها ويدمروها بالكامل هيقتلوا ملك ملوك أفريقيا وبعد قتله هينزلوا قوات على الأرض ولما نسألهم ليه قوات على الأرض بابا أوباما هيقول لأن هناك نزاعات فى البلد بين القبائل ولازم نحميهم من بعض ونحرصهم وطبعا هيعيشوا هناك كام سنة ممكن 15 أو عشرين أو ثلاثين طبعا المدة بتزيد لأنهم لغاية دلوقتى ما طلعوش من العراق ولا أفغانستان وبعد ما يشربوا البترول كله من هناك ويسكروا بيه يطلعوا من البلد بعد ما بقيت خرابه ( وسلملنا على التروماى ) ونعيش دورة جديدة من دورات الأحتلال المقنًع ، أيوة مقنًع يعنى بيحتولوا البلاد العربية بدعوات براقة مش هنفوق ومش هنتعلم من اللى حصل فى العراق تااااااااااااااااااااااااااانى إحتلال ، هههههههههه تاااااااااااااااااااانى دورة إحتلالية ؟
صراحة كنا بندرس فى المدرسة زمان دورة أسمها الدورة الدموية وكان فى دورة تبريد فى السيارة أو دورة تكيف أو دورة مياه يكرم القارئ اليوم مبروك عليكم تعلم الدورة الجديدة ألا وهى دورة الإحتلال الدورة الإحتلالية عموما هسيبكم دلوقتى بسرعة عشان أروح أخد حصة فى الدورة الجديدة باى يا عرب باى يا مسلمين باى عمو عمرو موسى وشكرا على قرارك العربي بفرض حظر جوى يااااااه أخرتونى فاتنى صاروخين نزلوا مشفتهمش يلا فى الإعادة اشوفهم بدولة اخرى قصدى دورة اخرى هههههههههه