وفر نصايحك يا غبي
بيان دولة فخامة القرد خان
خارج حدود اللياقة والأدب
خارج حدود الزمان
خارج حدود الحنكة والمفهومية
وكل ما يمت بصلة
أو له علاقة بالمكان واللا مكان
خارج حدود العقل
والدين والمصلحة
في كافة الأديان
***
لو كنت صحيح يا قرد
بتفهم في السياسة والأدب
ولك في الكياسة
وما انتش ألعوبان
كنت تعرف يعني إيه
معنى إرادة شعب
ثار في يوم مشهود
وخرج ف وضح النهار
سد عين الشمس
واتحدى المحن
وفرش ميادين الوطن
والشوارع والحواري
ما خلى شبر بدون قدم
ولا خلى سطح بدون علم
واختار بمحض إرادته
وبحريته
السيسي قائد ثورته
اختار طريق الانتصار
وانت يا خايب الرجا
سايق الهبل ع البلطجة
وداير تخبط في الحلل
وبتدعي انك أبو الثوار
خليك ف حالك يا صبي
وفر نصايحك يا غبي
واسحب بيان خارجيتك
مش محتاجين أريحيتك
علشان تجيب النصر
ولو سمحت يا قرد
مالكش دعوة بمصر
مصر النهاردة اتغيرت
والدنيا فيها اتطورت
وجماعة الإرهاب
اللي انت دشنتها
وما زلت داعم لها
راحت إلى غير رجعة
والعصر غير العصر.
الشاعر عبد الحميد زقزوق
1 \ 10 \ 2014