علقت الفنانة سما المصري، على الصورة المتداولة للهضبة عمرو دياب والفنانة دينا الشربيني، على مواقع التواصل الاجتماعي، وذلك عبر حسابها الرسمي على موقع تبادل الصور والفيديوهات الشهير "انستجرام".
كتبت "المصري" في تدوينة عبر صفحتها، قائلة "بالنسبة للناس اللي عماله تهري على صورة عمرو دياب دي، وبيقولوا إنها صورته مع دينا الشربيني..
أولًا وشها مش باين إذا كانت دينا ولا لا..ثانيًا وحتى لو دي دينا ما كل واحد حر يتجوزها يطلقها انتوا مالكم..".
 
وتابعت "إحنا نبقى فرحانين لو عمرو أو غيره حب واحدة وارتبط بيها بالطريقة المناسبة له، طالما مراته الأولانية عارفة ومش معترضة، ولو معترضة هي حرة، بيتها وجوزها وهي حرة معاهم، إحنا بقى بنحشر مناخيرنا ليه في اللي ملناش فيه".
 
واستكملت حديثها قائلة "إحنا نحشر نفسنا في أي حاجه إلا الجواز والطلاق والحاجات العائلية، ولو شيرين برضو اتجوزت حسام حبيب، نقول لهم ألف مبروك، ولو عمرو اتجوز دينا نقولهم ألف مليون مبروك.. وادعولي بقي أنا كمان عشان ترتاحوا مني".