السلام عليكم ورحمه الله وبركاته

 

هموم المصريين وهى ؛ - تبدأ من الحصول على فيزا او عقد عمل او زياره تجاريه بالمعنى الاصح دخول الجنه اقصد الكويت ؟؟؟ يبيع المصرى اللى وراه واللى قدامه حتى ان يحصل على فيزا باى طريقه لدخول الكويت ويدفع دم قلبه فيها وينتظر شهور حتى ان يإتى الفرج الفيزه وصلت يا رجاله ويزغرد الاهالى والجيران انى مسافر الكويت وكل واحد من اهللى وربعى يكتب ورقه كبيره عايز وعايز وعايز حتى الجيران مبروك يا عم حتروح الكويت الف مبروك فرحتها اكبر من فرحت النجاح فى الثانويه العامه طبعا اكل عيش ومستقبل لكل الاهل وصلت الفيزا بسلامه الله ارض الوطن مصر وبدأنا المأساه وما يسمى بالكشف الطبى الزل بعينه واللادميه والاهانه فى الكشف والشخط والنطر من كل واحد تعمل معاه اوراق وتحليل طبى بول ودم ونظر ووزنك وطولك وعضم وشعر كله من فوقك الى تحتك ومصاريف زى الهبل وناس تاخد منك فلوس عشان تطلع فى اول الصف فى الكشف المهم مهزله حتى فى النهايه ان تحصل على شهاده خالى من الامراض ومن فيرس سى ماشى يا عم مبروك ده طبعا يقعد معاك حوالى شهر فى مصر وبعد القوى العامله وتاخد الشهاده بعد معاناه وزل وسفر من اى بلد الى القاهره ونزبف الفلوس ولا يهمك يا عم انت رايح الكويت حتلم لم فلوس ماشى يا سيدى قطعنا التذكره وسافرنا ووصلنا بسلامه الله ارض الوطن الثانى الكويت خد عندك بقا : اول صدمه مدويه روح اكشف طبى يا باشا ههههههههه

 

امال انا كنت بعمل ايه فى مصر شهر يا جماعه لا ابدا نحن لا نعترف بذلك اكشف اكشف غصب عن اهلك شوف يا عم لف لفه موت ومشى عايز اطول عليكم دم بول بطن نظر كل حاجه + اهم حاجه بصمات واه من البصمات تقعد حوالى 15 سوم للاستلام المهم بردوا تشوف الذل والاهانه حتى ان تصبح رجل مقيم نعم لقد حصلت على الاقامه سيدى الفاضل الف مبروك انت الان مقيم مقيم مشى بالسهل يا عم طبعا نزيف المصاريف والمشاوير واللى مشى معاه فلوس يستلف من طوب الارض حتى الحصول على الشرف السامى انت رجل مقيم يا رجل يا فرحه امك يا عم محدش قدك يا مان الهموم والسؤال : اللى كان فى مصر مشى كان كشف رسمى من الحكومه المصريه ولا الشهاده بتاعت فيرس سى كانت من كشك فى اى مكان بكده يبقا هناك عدم ثقه فى كشوفات مصر الادهى من كده ان الحكومه المصريه تاخد منك فلوس وكمان الكويت تاخد منك فلوس والادهى ان رسوم الكويت الحبيبه اقل شىء عندها طابع ب 10 دينار طابع بس يعنى 240 جنيه مصرى عارف ده لو طابع ذهبى ما يكون كده ابدا ولا طابع اسرى من ايام الفراعنه طابع شايله 2 رجاله شوف كام بقا طابع على الاوراق اللى بعده من مأساه وهموم " وثق الاوراق من السفاره المصريه + السفاره الكويتيه ده كله على قفا كل من يريد ان يكون مقيم وحاصل على الاقامه الشرفيه هنا ماشى دى قوانين وعلى راسنا من فوق يبقا عندك 1 ثمن الفيزا 2 كشف طبى مصرى 3 كشف طبى كويتى 4 توثيق سفاره كويتيه 5 ثوثيق سفاره مصريه 6 تذكره طيران خد عندك بقا الصدمات بعد ان اصبحت مقيم محترم اى شغل فى الكويت واحد عندك ليسن وهى الرخصه عندك سياره / معرفه تامه بالكويت / عندك لغه انجليزيه او اخرى طبعا يجيلك شلل اطفال وصدمه / طيب عايز اعمل رخصه لا ينطبق عليك الشروط لازم تقعد سنتبن على الاقل والراتب 450 والمهنه غير مؤهله لحصول على الرخصه فى الكويت يعنى على بلاطه من غير رخصه ولا سياره ولا لغه ارجع تانى بلدك يا اخى وسنسحب منك درجه المقيم الى مخالف وناخدك الى الابعاد مع السلامه يا ابو عمه مايله وداعا بونابرت وارجع واقول كل ده كان ليه لما فكرت اسافر عشان احسن معبشتى يا ناس حرام ولا حرام الادهى والاغرب واللى فعلا حرام انت ماشى بسياره غصب عنك كسرت اشاره وهو فعلا فعلا غلط لانك تعرض حياتك وحياه الاخرين انا معاك بس اللى يكسر اشاره ابعاد يا ناس من غير كلام طيب انذار لفت نظر غرامه اى حاجه بس ما تقطع عيشى من بلدى التانى الكويت السكن نار نار نار يا حبيبى نار لدرجه ان الناس قاعده فى الشقق زى السجون السراير فوق بعض وهذا من غلو الشقق والملاحق الواحد طول عمره بيكره كلمه ملحق عشان لما كان الواحد فى المدرسه ويجى له ملحق كان بيعيط عياط موت انا هنا حبيت كلمه ملحق او استديو عشان فيها الاشخاص اقل عشان يعرفوا يدفعوا الايجارات بالمناسبه حد عنده ملحق او استديو لدرجه انى اول نما جيت الكويت واحد صاحبى بيقول ليه ناخد استديو يا ابو عبدون احسن قلت له يا عم انا ما بعرف فى التصوير ولا مهنتى ضحك وقال يا عم ده سكن وانا كنت فاكر انه استديو تصوير ارحمنا يا رب ارحمنا يا رب من المأساه اللى بيشوفها المصرى الوافد حتى ان يكون مقيم بالكويت نحن نحترم القانون وكله على راسنا بس اقول ارحموا الفقراء واتركوا الناس تاكل عيش وزادكم الله من نعيم الله وخير الكويت على العالم كله بس بصوا للغلابه وهموم الاكثر معظم المصريين بعيدين عن زوجاتهم واولادهم لان مرتباتهم لا تسمح اى ياتى بعائلته لان اذن العمل لا يسمح يقعد الواحد هنا بالخمس سنوات يبقا سايب ابنه لسه مولود يرجع مصر يلاقيه اتجوز وخلف ههههههههههههههههههههههه سلام عليكم