السلام عليكم ورحمه الله وبركاته وعساكم من عواده وكل عام وانتم بخير
يا عرب
هل العرب مشى بيحسوا خالص هل العرب مطنشين هل العرب شويه في الدنيا هل العرب كل واحد بيدور على مصلحته وبس وكل حاكم خايف على كرسيه وبس الدول اتفككت وانهارت ودمرت والخوف اصبح راكبنا ليل نهار وداعش وماعش والنصره وابو بكر والدوله الاسلاميه والتقسيم والتخطيط شغال على ودنوا واحنا لسه بردوا بنشجب وبنقول عيب ما يصحش يا بشر دمائنا سالت على الارض اكثر من المياه التى ترتوى بها الزرع حطام قتل دمار الغرب اعترف والامريكان قالوها وكلينتون اخر حديث لها قالت ان هذا مخطط من 25 عام لتغير الشرق الاوسط وتقسيمه على عينك يا تاجر وما زلنا نضع ايدينا مع الخونه الامريكان العملاء نرضى بالذل والاهانه ونعرف من يضربنا ونطبطب عليه الى متى الجبن يعشعش في داخلنا ننضرب على قفانا ونقول كمان كمان الامريكان خلصوا على المسلمين ولسه نزيف وزبحور دماء في الشرق الاوسط وما زلنا نخضع الى الامريكان الارهابين اللى بيتكلموا عن حقوق الانسان وهى اصلا لحوم الانسان من فتكها واكلها اكلا ضرب غزه ودمارها وتحطيمها وازالتها من الوجود شىء فشىء قتل الاطفال والشيوخ والابرياء على ملىء العالم كله الكل يتفرج ويرجع العرب يلموا دشاديشهم وبدلهم ودور يا عم الطائرات وتعالى على مصر الى مذبحه جامعه الدول العربيه مسمى جميل ولكن فعل هزيل يكسف يفضح والله العظيم مفيش مره كده يجتمعوا
اخوانا الفرافير ويصدروا بيان بقطع العلاقات مع اسرائيل قطعا زريعا الى ان تحل القضيه الفلسطنيه برمتها واولهم مصر الحبيبه
الا يجب ان نتحد يا عرب ونلحق نفسنا قبل التقسيم القادم والمؤامرات الوسخه الى متى ننتظر عايز اسال سؤال مهم وعايز حد فرود يرد عليه احنا عرفنا ان امريكا هى التى شنت ما يسمى الربيع العربى وتقسيم الامه الاسلاميه تقسيما مروعا عرفنا ان الامريكان مع اخوان مصر لتقسيم مصر وصرفوا فلوس بالهبل من اجل ان تقع مصر السؤال بقا عرفنا كل هذا ليه ما نقطع العلاقاتن مع امريكا التى كانت تحاول ان تقسم مصر من اجل اسرائيل الخبيثه ممكن نعيش من غير معونه ولا امريكان ونكون مع روسيا والصين والدول العظمى الاخرى ولا هى دوده اسمها الامريكان بس خلاص