السلام عليكم ورحمه الله وبركاته ؟؟؟
خبر عاجل ومضحك ومحزن ويدعو الى الانتحار نعم يدعو الى انتحار الشرفاء لما نشوف ان ماما واحلى كلمه في الوجود وفى عيدها اللى بننتظره كل عام ان نكرم ونختار ام مثاليه على مستوى الجمهوريه كلها خلى بالك على مستوى الجمهوريه العربيه المتحده اللى هى مصر ونختار ام مثاليه لمصر ويقع الاختيار الى الراقصه المبجله فيفى عبده ؟؟ فيفى عبده ؟؟؟ الراقصه ؟؟
طبعا حاصله على شهاده الايزو العالميه في الرقص البلدى ؟؟ وسيده اعمال كبيره في السينما والتليفزيون ومنتجه وموزعه وكل حاجه في الدنيا وانشئت مدارس كبيره في هز الوسط في الداخل والخارج وضربت من قبل لواء شرطه على كوبرى 6 اكتوبر ولها من التاريخ المشرف والسيره الذاتيه ما يجعلها ان تنال شرف الام المثاليه هذا العام ؟؟؟ والله حاجه تقرف بجد عايز اعرف من السيد المهذب الذى اختارها لتكون الاولى اظن الفرقه المطبلااتيا اللى معاها ولجنه الاختيار لها هل هما كانوا سكارا ام اخذوا رشاوى عايز اسأل كم ولد لها مات شهيدا ما هى بصماتها لتكون الام المثاليه ؟؟؟ الله يرحمك يا امى انا سليمان ماتت وهى تركت كنز من الاولاد الجامعيين 5 جامعين وتوفى ابى وانا عمرى سنتين فقط وانا الان عمرى 57 عام يعنى يتيم من عمرى وعاشت امى تربى فينا الاخوه الخمسه وكانت سيده جميله جدا ورفضت الزواج نهائيا رغم صغر سنها وترملت علينا وكافحت من اجل ان نحصل على ميراثنا من عمى الظالم الله يجحمه ويدخله النار كان عم ظالم جدا اخذ ارضنا واملاكنا بعد وفاه والدى وعاشت امى في المحاكم تكافح وتناضل من اجل حق ابنائها الايتام حتى ضاع عمرها في المحاكم ومرضت وماتت الحمد الله من 28 عام بعد صراع مع المرض وحصلنا على املاكنا من عمنا الظالم والحمد الله واحنا طبعا بعد وفاه امنا فرتكنا الميراث كله ؟؟؟
اقل شىء الم يكن امى الام المثاليه مثلا بدل طنط فيفى عبده المتصابيا اللى عملا نفسها نوغه الم يكن كل ام مات ابنائها شهداء من اجل الوطن ان تكون الام المثاليه ارحمنا يا رب برحمتك انا اناشد كل الشرفاء امثال الاستاذ مرتضى منصور والاخ الفاضل الاستاذ نبيه الوحش المحامى الصعيدى الحر ان يرفع قضيه وبسرعه على من اعطاها هذا اللقب الشريف الى من لليس له شرف لان هذا الخبر محزن لكل ام شريفه محترمه عفوفه عاشت من اجل ابنائها
الم يكن من الخجل ان تكون الام المثاليه في مصر راقصه لو الحكايه كده اعطوها لقب وجائزه نوبل في هز الوسط الله يرحم يا طنط فيفى انا حزين على امهاتنا الشرفاء
والبقاء لله وحده ولا عزاء لفيفى عبده ؟؟