جماعة "طظ ف مصر" !
جماعة طظ ف مصر
النهاردة العصر
بيلملموا عزالهم
خلاص حيسيبوا مصر
ما عادلهمش فيها
لا عيش ولا طيب مقام
ولا ذرة احترام
عند الناس الأكابر
فضلاً عن العوام
ما عادلهمش فيها
أي حيطة تداريهم
من ناس انخدعوا فيهم
وناس باسوا إيديهم
يسيبوا الناس ف حالها
ويبطلوا قتل فيهم
ويعيشوا في سلام
لكنهم أصروا
ع الغدر والانتقام
من شعب عظيم فدائي
حضارته بنت سبعة
واضرب ف ألف عام
وجيش بطل وشرطة
كانوا قد المسؤولية
وحازوا الاحترام
خلوا رقبتنا مدنة
وفشّلوا مخطط
الخونة والأقزام
وهما دول ولادنا
دول زادنا مع زوادنا
في قادم الأيام
تسلموا يا حماة بلدنا
وان شا الله ع الدوام.
الشاعر عبد الحميد زقزوق
الخميس 16/1/2013