بسم الله الرحمن الرحيم وبه نستعين والصلاة والسلام على اشرف المرسلين سيدنا ونبينا الحبيب محمد عليه افضل الصلاة والسلام
من اغرب القصص والاهمال الطبى الفادح وازهاق ارواح ناس ابرياء لا حول ولا قوة الا بالله بهم فهم تحت طبعا رحمه ربك الكريم
والثانية تحت رحمه الطبيب
والثالثة تحت رحمة دكتور البنج المحترم
القصة كلاتى : ابن عمى واخوية وتؤام روحى وابو الرجولة والشهامة ومن اطيب الاشخاص في الوجود وفى فاقوس شرقية واقسم بالله ان ابن عمى الحاج فرج عبدون ده لو نزل انتخابات في فاقوس شرقية من حب الناس له لياخد كل مقاعد الشرقية وفاقوس شرقية كلها من حب الناس له لانه رجل يتقى الله ويخدم الكبير والصغير وصاحب صاحبه ومكافح وان تكلمت عن الرجولة تكلم عن الحاج فرج احمد حسن عبدون نتوارة فاقوس كلها وضواحيها وقراها ونجوعها
شوف يا اخوانى ابن عمى ده بل حبيبى واخوية وزنه 161 وهو موظف في المكمة بفاقوس شرقية تعب من السمنه زى اى انسان في الوجود وهو عمرة 53 عام ومتزوج ومخلف رجاله زى الفل قرر وراح يعمل عمليه عشان يخس ويرتاح بعد تردد كبير وفعلا عمل العملية والدكتور اخذ منه 56 الف جنيه مصرى وقال له تانى يوم حتخرج من المستشفى
الان هو في غرفة العناية المركزة بمستشفى الرحمة مصر الجديدة ميدان الجامع في غرفة العناية المركزة بين يدى الله عز وجل بقا له شهر كامل في غيبوبة تامه من العملية اهلنا في الشرقية كلهم عاملين معسكر عند المستشفى في شدة القلق لو عايز اقول لحضراتكم ان فاقوس كلها والبلد كلها راحت له وما زالت من حب الناس له لدرجة ان المستشفى اشتكت من البشر اللى بتروح
ندخل في المهم وهو المستشفى طالبه منه 100 الف جنيه عنايه مركزة
اليوم الواحد في العناية ب 3 الاف جنيه
وهناك غرفه بجواره لاقامة اخوه معاه ب 800 جنيه
نقول سيبك من ده
هو موظف يعنى له تامين صحى وطبعا عشان هو مشى وزير ولا ممثل ولا راقصه ما فيه حد عايز يعمل له تامين صحى ؟؟؟ ليه بقا ؟؟؟
عشان القانون العقيم بيقولوا دى عملية تجمليه لا ينطبق عليها التامين
نعم نعم يعنى انا موطف بلاش موظف انا انسان ومشى موظف وبموت وفى غيبوبة تامة وبين الحياة والموت ومفيش حد سائل عن امى بموت يا ناس فين الانسانيه والرحمه
تانى حاجه والاهم نقول نشتكى الدكتور لانه اهمال من الدكتور ودكتور البنج ودكتور السمنه اللى عملها يرد عليهم الدكتور يقول انتم ماضين على اقرار بعمل العملية
ما احنا عارفين يا دكتور كل مريض بيعمل عملية بيمضوه على اقرار لعمل العملية
بس مشى بنمضى على اقرار سواء فشلت ام نجحت العملية
انت الخطأ منك سيادة الدكتور ودكتور البنج
ومن خوف الدكتور من الحالة لان الاعلامية الدكتورة حياه عبدون اللى هى بنت عمى انا وان الحاج فرج عبدون يبقا عمها الدكتور خاف من الاعلام والفضائح وقال انا اتنازل عن اتعابى اللى هما ال 56 الف جنيه
يا جماعه الخير المصيبة الكبرى الكل خايف يشكى والدكتور يقول انا نعايا اقرار منكم بعمل العمليه ( بس السؤال يا دكتور حتى لو اخطأت في العملية معاك اقرار )
التامين الصحى معطيهم ظهرهم ويقول دى عملية تجملية ( يعنى انا لو وزير او رقاصه كنت رحت على نفقه الدوله يا عالم يا ظلمة
الكل خايف يدخل عش الدبابير بمعنى لا اهل المريض اللى هما اخواته عايزين يشتكوا الدكتور
ولا التامين الصحى عايز يرحمهم من نزيف الفلوس في المستشفى الخاص
ولا حد سائل خالص والراجل في العناية والعداد شغال في المستشفلا بيعد فلوس
والكل في انتظار فرج الله
انا بقا اناشد اى اعلامى شريف محترم ان يتبنى الموقف الصعب ده ويروح الى مستشفى الرحمه ميدان الجامع مصر الجديدة وينشر الموضوع بكل شفافية وضمير حتى ان ينقذ هذا الرجل المحترم اللى قاعد شهر كامل عناية مركزة وبيقولوا جايز الموضوع يطول شهر اثنين ثلاثة والله اعلم
اين التامين الصحى
اين الضمير
اين انتى دكتورة حياة وانتى اعلامية محترمة ان تعرضى الموضوع على وزير الصحة ولا مشى عايزة وجع دماغ
اناشد السيد رئيس الجمهورية رحمة برجل عاش بكل شرف وضمير وكافح في الحياة وربى اولاده تربية دينية محترمة ان ننقذ هذا الرجل وان نبحث عن المخطأ سواء الدكتور او التامين الصحى او القوانين اللى زى الزفت فين العدالة الاجتماعيه يا رب
يا ريس معالى رئيس الجمهورية رجاء من سيادتكم السرعة في انقاذ رجل شهم محترم في عناية مركزة من شهر بسبب خطأ طبيب
انقذوه لوجه الله
واى حد عارف اى اعلامى محترم في مصر يعرض عليه الموضوع ويروح المستشفى ويصعد الموضوع ويصل الى المسئولين لانقاذ روح انسان
العنوان / مستشفى الرحمه ( واصلا مشى عندهم رحمة )
مصر الجديدة
ميدان الجامع
رجاء من الاستاذ / محمد عمريه المحترم ان يصل له الموضوع وهو ضد الفساد
اسرعوا لوجه الله تعالا
او الصحفى المحترم اسامه جلال حبيب المصريين يشوف الموضوع ده مع الاعلامين او السفارة المصرية ويكلموا مصر عند اى مسئول
اللهم ما ارحمنا برحمتك
سليمان عبدون / اخو الحاج فرج عبدون / هو ابن عمى بس اكتر من اخويا ونور عينى وحبيبى