بكت الفنانة نيرمين الفقي على الهواء أثناء لقائها ببرنامج ” بيت العائلة” المذاع عبر فضائية النهار، عندما طلبت الإعلامية نجوى إبراهيم، أن توجه رسالة إلى والدتها المتوفية بمناسبة عيد الأم.

وكانت رسالة نرمين الفقي لوالدتها وهي تبكي : ” أنا هقول لأمي كل سنه وانتي طيبة ، وأنتي وحشتيني أوي ، ومفيش أحسن من دعوتك ليا، وأنا رغم كل اللي عملته مع أمي، أفتكر بعض المواقف كان لازم أعملها أحسن من كده”.

وكشفت “الفقي” عن سبب عدم زواجها قائلة: ” لا يوجد في حياتي أي قصة حب نهائياً ، وكان في بداية حياتي في ناس بتتقدم لي كويسين ، ولكن أمي من حبها ليا كانت دائما تقوم برفض اللي كانوا بيتقدموا ليا ، وأنا عشت حياتي بدون راجل ، ولما فتحت الباب شوية اتأذيت كتير”.

وأوضحت مواصفات الراجل المثالي في نظرها، قائلة : “أنا بحب الراجل المحترم جداً ، مش اللي فاتح صدره على الفاضي ، وأوحش حاجة الراجل الكذاب ، والراجل راجل في تصرفاته وأخلاقياته”.