عبد الحميد زقزوق يكتب شعرا عن ذكرى العبور العظيم

وتهل الذكرى علينا

والذكرى تهل علينا	وتروح الأيام وتجينا
بالعاشر من رمضان	واحنا بنتباهى ونفخر
بتاريخ ف اللوح مسطور	بعبور ما في زيه عبور
ف العاشر من رمضان	وبجيش مصر المنصور
*******
وأخدنا بإيدنا قرارنا	يوم ما اتحملنا قدرنا
ما بقاش له بيننا مكان	والصبر اللي مصبرنا
وف عز الظهر عبرنا	اتحزمنا بإصرارنا
زهقنا اللي مزهقنا	كسرنا شوكة أعداءنا
ف العاشر من رمضان	وقضينا ع الأسطورة
*******
قبل ما نبتدي مشوارنا	خططنا لها ودبرنا
وف بحر من الكتمان	بعزيمة وهمة وحكمة
أعلناها وكبرنا	واما نوينا وقررنا
على صيحة الله أكبر	صحينا الدنيا بحالها
ف العاشر من رمضان	حققنا الحلم الأكبر
*******
ف الكون كله مدوية	الصيحة كانت عفوية
إنطلقت كالبركان	والقوات البرية
شقوا بخراطيم المية	عسكر ماشيين ع المية
على طول بارليف طوالي	ثغرات ف الجسم العالي
من سينا ف أعلى مكان	وعلم مصر الحرية
*******
واتردت لنا عزتنا	يومها انهزمت هزيمتنا
ودخلنا سلام شجعان	يومها عبرنا بأمتنا
لكن الأيام نصفتنا	بس الأمة ما فهمتنا
حرباً وسلام قلناها	ولا صحش غير كلمتنا
واسألوا طابا العنوان	ولا رملاية سبناها
*******
واكتب وحدة أمتنا	يا رب اجمع كلمتنا
والعاشر من رمضان	رجعنا لروح أكتوبر
وقدرنا أيضا واحد	ده مصيرنا دايما واحد
إن الإنجاز كان شاهد	ولا ينكر غير الجاحد
ف العاشر من رمضان	على عظمة ما أنجزنا