تداول رواد موقع التواصل الاجتماعي “فيس بوك” آخر كلمات رحمة محمد (17 عامًا) إحدى ضحايا عقار الشرقية الذي إنهار  أمس الإثنين، بمدينة منيا القمح، والتي لقت حتفها مع شقيقتها الصغرى (8 أعوام)، حيث كتبت قصة عن سيدنا يونس.

وقالت “رحمة” على صفحتها الشخصية بموقع التواصل الاجتماعي “فيس بوك” قبل وفاتها بدقائق،  “لما بتنزل تحت الدش وتقف فتره طويلة تستحمى، بتلاقى صوابع راجلك وأيدك كرمشت، جسمك تحس انو بيبوش صح؟!!، سيدنا يونس وهو في بطن الحوت فضل 3 أيام جوا بطنه، والحوت طلعه من بقه ورماه على الشط، وكان جسم سيدنا يونس بايش تمامًا زى صوابع رجلك وايدك وأنت بتاخد دش وأكتر!!، شوف كمية الحنان اللي في الآية ربنا بيقول “وانبتنا عليه شجرة من يقطين” تخيل كده الشجرة وهى بتطلع جمب سيدنا يونس عشان تضلل عليه لأن الشمس لو لمسته وهو بالشكل ده هياخد ضربة شمس ويموت!!”.

وتابعت ضحية عقار الشرقية المنهار، “وشوف كمان قال وانبتنا، مقالش وكانت بجواره شجرة، لا دي شجرة طلعتله مخصوص، واليقطين ده يعنى شجره ورقها تخين و الورقة حجمها نفس حجم ودن الفيل!!،  بحيث تكون ضلة تمامًا وتحميه من شعاع الشمس لحد ما يفوق وجسمه ينشف وترجع قوته من جديد، ربنا طيب،  هيضلل عليك ويحميك، مهما تبوشك الأيام والصعوبات، مهما تحس بضعف وكسره، ربنا هيطلعلك الخير من وسط المحنة ، حتى لو أنت مش شايف الخير ده زى سيدنا يونس مكنش شايف الشجرة!! صدقنى هتلاقى الحلول طلعتلك فجأة من حيث لا تدرى زى شجرة يونس!!”.
واستطردت قائلة “اسند على ربنا واستقوى بيه لأنه قوي هيقويك وهيجعلك تستعيد قوتك وتقدر تواجه أي شئ، و أوعاك تقلق!! ربنا مش هيخزلك مهما كان الحزن والهم، هيوفقك ويحققلك حلمك”.