مع اقتراب انتهاء الشهر تكون الجملة الأكثر تداولا هى "مش معايا فلوس المرتب خلص طيب هكمل إزاى"، وبالبحث والاعتماد على الذاكرة نجد الإجابة كالعادة "مش عارف اتصرفوا فى إيه"، وهو ما حفز مجموعة من الشباب لتدشين هاشتاج، وأطلقوا عليه اسم "فلوسى بتخلص فى.." وذلك لمراجعة كل فرد فينا فيما أنفق بلا داعٍ ليصل فى آخر 10 أيام منه إلى مرحلة الإفلاس، وانقسم الآراء بين مصروفات تخص الفتيات وآخرى للرجال.

حاجات بتخلص فيها البنات فلوسها

تختلف أفكار الفتيات عن الشباب فى طرق صرفهن للأموال وكان يظن الغالبية أن الفتيات تنفقن أموالا أكثر من الرجال ولكن الطرفين متساويان ولكن تختلف الاهتمامات، وتضمنت طرق الفتيات لصرف أموالهن فى التالى.. "الحاجات التافهة، أى حاجة ملهاش لازمة، الميكب والشوبينج، الروج وغالبا نشترى 3 أشكال نفس اللون، دريم بارك وأماكن الألعاب، الإكسسوارات.

فلوس الشباب بتخلص فى إيه

ومن أولويات الشباب فى إنفاق الأموال، السجاير والبلاستيشن والجلوس فى المطاعم، وذلك باعترافاتهم على الهاشتاج، بالإضافة إلى "الهلس، اللب السورى، الهدايا، الخروجات ع البنات". فكر أنت بتخلص فلوسك فى إيه وابعتلنا نساعدك إزاى تدبر فلوسك لآخر الشهر.