السلام عليكم من عجائب الدنيا معروف لدينا عجائب على مستوى العالم وفى مصر الاهرامات تحتل واحد من السبعه ولكن اضيف لنا هنا فى مصر حاجه تانيه جميله وهى انتخابات 2010 يعنى مصر احسن من العالم كله اللى عندهم عجائب طبعا احنا الفراعنه يبقا عندنا اثنين / انتخابات ستسجل فى التاريخ ويشهد عليها الكل ولكن اذا سالتنى ليه الانتخابات فى مصر حتكون من العجائب علطول اجاوب عليك واقولك عشان تكون معى فى الصوره ويعرف اجيالنا القادمه واولادنا ليه الانتخابات فى مصر احتلت مكانه من العجائب السبعه ودى اصبحت الثامنه شوف يا سيدى خليك معايا 1- التقفيل ساد الانتخابات يعنى ايه تقفيل ( يعنى مرشح الحزب الوطنى الحاكم المهيمن على مصر الموظفين فى اللجنه يقفلوا عليهم الباب وكل واحد ماسك قلم وورق الانتخابات ويعلم على الهلال رمز الحزب الوطنى مشى عايزين يتعبوا حد من المواطنين وبيريحونا دى واحده : 2- منع جميع من معهم توكيلات لاحزاب المعارضه + المستقلين + الاخوان من دخول اللجان حجه ان توكيلاتهم من الشهر العقارى لازم يروحوا لحضره الضابط التابع لهم اللجنه عشان يمضى عليها يروحوا الى الضابط للتوقيع يقول حضره الضابط هذا ليس من اختصاصى حتى يخلص اليوم ويعدى ويعدى بدون انتخاب وراحت عليهم المعارضه والاخوان والمستقلين وكلها خمس سنوات وتنزلوا تانى 3 - البلطجيه المعلمين الصيع الفتوات كل واحد ماسك حاجه وعلى راس كل اللى مشى ينتخب الوطنى 4 - كشوف اسماء المواطنين تدور على اسمك فى لجنتك ما تلاقى اسم وتفعد تدور لغايه ما تزهق وتروح وده المطلوب لان الناس عملوا الواجب عنك وقفلوا 5 - قمه الديمقراطيه هذه السنه الصناديق من جنب واحد زجاج شفاف وهذا حتى ان تكون الانتخابات شفافه يا قلبى 6- مصطفى بكرى سقط وفى العنايه االمركزه 7 -انسحاب الصباحى منالانتخابات وقالهم خدوا راحتكم انا فى البيت 8 - مجلس شعب فريد من نوعه بدون معارضه حقيقيه 9- موت 4 فى الانتخابات ( قالوا كلهم سكته قلبيه من الزحام ) ماشى 10- هناك طبعا اشياء خفيه حتى ان تكون انتخابات 2010 من عجائب الدنيا السبعه مجهوله لا يعلمها الا الله والوطنى شكرا لكم / سليمان عبدون / محرر بجريده المعاصر الاخبارى / وعضو لجنهحقوق الانسان / ومؤسس حزب صبر ايوب