لم تمضِ دقائق على إعلان الحملة الرسمية للمشير عبدالفتاح السيسي، المرشح لرئاسة الجمهورية، بفكرة جديدة لحملتها الدعاية الانتخابية من خلال مشاركة محبيه بإرسال صور خاصة لهم مع هاشتاج "تحيا مصر"، حتى أسرعت الشقيقات الأربع "نريمان، نورهان، نوران، نجوان"، بنشر صور لهن عبر مواقع التواصل الاجتماعي "فيس بوك، تويتر"، ليكنّ أول المؤيدين للمشير.

"دستور، اتحادية، علم مصر وأخيرًا صورة السيسي"، لكل منهن طابع مختلف في التأييد، فاختارت نجوان حسن، صورتها أثناء وقوفها في طابور الاستفتاء على الدستور الجديد، "عشان ده أكتر يوم حسيت إن مصر رجعت لينا تاني بعد ما فقدت الأمل، ونزلت قولت نعم للدستور عشان خاطر مصر أولاً والسيسي يبقى الرئيس ثانيًا".

ناريمان

الشابة العشرينية، أوضحت أن فكرة هاشتاج "تحيا مصر" وفاعليات حملة المشير السيسي للدعاية الانتخابية، تعد من الأفكار التي لا بد أن نتعلم منها، "مش معنى إنه فكر في فكرة الهاشتاج يبقى السيسي رئيس الأغنياء، المشير دايمًا مبدع عشان كده فكر إزاي يوصل للناس بسرعة ويعرف اللي محتاجينه، وبالنسبة للفقير اللي معندوش كمبيوتر هو دايمًا بيتكلم عنهم ومش ناسيهم وعارف يوصلهم إزاي عشان السيسي في النهاية راجل بسيط".

بينما اختارت نوران، صورتها أثناء نزولها الاتحادية في ثورة 30 يونيو، "كانت أحلى أيام فعلاً، ملقتش غيرها أحطها مع تحيا مصر عشان أفكر السيسي واللي بيحبوه دايماً إنه البطل اللي حمى مصر من الإرهاب اللي طمعان فينا، والصورة اللي نزلتها اخترتها في أقل من دقيقة عشان كانت في رمضان وأيامها متتنسيش، لما كنا بنفضل ندعي ساعة الأذان إن ربنا ينصرنا والناس كلها تاكل من طبق واحد".

نجوان

أما ناريمان، اختارت صورة المشير السيسي، "عشان شيلتها من أول يوم نزلت فيها ميدان التحرير والاتحادية مع إخواتي، مستنتش لما يستقيل من الجيش ولا يرشح نفسه لانتخابات الرئاسة، من أول لحظة خرج فيها ووقف مع الشعب ضد مرسي والإخوان وعرّض حياته للخطر ووقف قدام الإرهاب اتمنيت إنه يكون رئيس مصر القادم"، مضيفة: "من كتر حبي في السيسي مكفنيش أنشر صورتي مع السيسي في هاشتاج تحيا مصر بس، حطيتها على صفحتي الشخصية ومش هغيرها لحد ما أطمن على مصر".

"نورهان"، لم تجد صورة تعبّر عن حبها لوطنها والمشير السيسي، إلا علم مصر الذي أمسكته بيديها لحظة إعلان "السيسي" ترشحه للانتخابات الرئاسية، "تحيا مصر، فكرة تخلي الشعب يبقى إيد واحدة، إحنا ميهمناش غير مصر ومصلحتها وعشان كدة السيسي اختار اللي يخلي المصريين يتوحدوا بإن مصر تبقى أم الدنيا بجد".