مصر أولا.. حوار مع عبد الرحمن عن عمو مرسى !! فوجئت بعبد الرحمن أكبر أبنائى سنا يباغتنى بسؤال عبد الرحمن : يعنى أية مصر اولا يا بابا؟ فأجبتة أى أن نجعل مصلحة مصر متقدمة على كل المصالح الشخصية فعاد وسألنى طب لية الناس بتتخانق فى مصر على طول وماحدتش عاجباه أى حاجة؟ وقبل أن أجيبة عاد وسألنى هو يعنى أية رئيس الدولة؟ فأجبتة بما معناه وبعبارات تليق بعمرة وفهمة ان البلاد الأن فى حالة تخبط بعد أنتهاء الثورة والكل يريد أن يتحصل على مكاسب قد لا يستطيع الحصول عليها أذا أستقرت الأمور" يعنى فرصة اللى نفسة فى حاجة يلحق يقفشها" وهذا بالطبع لا يصح وليس من الأخلاق فى شىء وبالنسبة للرئيس فهو الرجل الذى اختارة الشعب ليدير لهم أمورهم لفترة زمنية ثم يعاد انتخابة مرة أخرى أو لا وفقا لأداءة وما حققة من وعود أنتخابية ووفقا لنجاحاتة التى تحققت تبعا لبرنامجة الأنتخابى .. ثم سألنى يعنى عمو مرسى الناس هيه اللى قالت هوة دة الرئيس ؟ فأجبتة نعم -- وعاد وسأل طب ليه دلوقتى كلهم عمالين يقولوا علية كلام وحش؟ هى الفترة بتاعتة خلصت؟ وعاد وسأل هو بقاله قد أية مش شوية صغيرين ؟ فأجبتة أن لكل جماعة وحزب وطيف سياسى من الأطياف الكثيرة فى مصر الأن رأى مختلف عن الأخرين وفعلا الرئيس مرسى لم يجلس فى كرسى الحكم سوى أربع شهور تقريبا وبالطبع لم يستطع ان يغير ما قام به الطاغية لمدة ثلاثين عاما طب يابابا مش همة صبروا كتير على الراجل اللى كان قبل كدة؟ - أيوة يا عبد الرحمن - طب لية مش عايزين يصبروا على عمو مرسى؟ - فأجبتة لأن كل واحد فيهم له مصلحة شخصية وهدف خاص فصرخ فى فى ذهق أزاى يا بابا أنت مش قلت أن مصر أولا يعنى نقدم مصلحة مصر على مصالحنا الشخصية ؟؟؟!!! بصراحة شديدة وجدتنى فى حيرة من أمرى " الواد زنقنى" ومش عارف أرد علية رحت متخن صوتى وعبست بوجهى صائحا قوم يا عبد الرحمن نام عندك مدرسة الصبح .. فعلا الولد قام لينام وهو فى طريقة لغرفتة سمعتة يقول يابابا أنا هدخل أنام بس بكرة الجمعة ومفيش مدرسة !! إظاهر ما حدش عارف يعنى اية مصر أولا..؟؟!! خلص الكلام – وائل سرور