أظن بعد المرفقات دي .. لازم ترشح محمد مرسي

خلينا نجيب من الآخر؛ جوايا وجواك مقتنعين إن هو الأنسب للمرحلة الحرجة القادمة؛ بما يملكه من دعم حزبي ومؤسسي (داخل إطار الدستور والقانون)

يعني مش دولة داخل الدولة ولا حاجة .. بس رئيس قوي عنده الأمانة والقدرة ومدعوم تنظيميا بحزب الأغلبية ومجتمع مدني منظم ونشط ومنتشر في مصر كلها

دي هي الكبسولة السحرية التي لا تتوفر لأي من مرشحي الرئاسة الآخرين .. مع كامل التقدير لشخوصهم وقدراتهم "الفردية"

وبعدين مشروع النهضة .. هو مشروع لكل المصريين وليس ملك للإخوان المسلمين وحدهم

ارجوك ما تنساش حقيقة مهمة .. الإخوان دول هما زميلك وجارك ورئيسك ومرؤوسك وصاحبك وصاحب البقالة إلي جمبك .. مصريين زي زيك وبيحب بلدهم زي وزيك

ما تخليش الإعلام المحرض يبيعك دماغك ومنطقك

وبعدين إشمعن في دي عايزين نبقى غير أمريكا وأوروبا والدول المتقدمة ..

انتخابات أمريكا (مرشحان حزبيان) وانتخابات فرنسا (مرشحان حزبيان)

المرشحين الفرديين دول؛ تقريبا ما بيطلعوش إلى في أفريقيا وأمريكا الجنوبية!!!!

وتحياتي القلبية بالتوفيق .......................... لمصر

بعد ما تقرأ وتاخد بالأسباب إلي في المرفقات .. ما تنساش أهم خطوة  .. استشير العليم القدير البصير المدبر

اللهم إنا نستخيرك بعلمك ونستقدرك بقدرتك .. فأنت  تقدر ولا نقدر وأنت تعلم ولا نعلم وأنت علام الغيوب

اللهم إن كنت تعلم أن في تولي د. محمد مرسي رئاسة مصر خير لمصر في دينها ومعاشها وعاقبة أمرها فاقدره لها ويسره لها وبارك لها فيه

وإن كنت تعلم أن في تولي د.محمد مرسي رئاسة مصر شر لمصر في دينها ومعاشها وعاقبة أمرها فاصره عنها واصرفها عنه واقدر لمصر الخير حيث كان ثم رضنا به يا رب العالمين

اللهم آمين

صوتك أمانة .. إديه للي فعلا يستحقه وإلي مصر الثورة كمان تستحقه