أثارت زيادة أسعار كروت الشحن، غضب رواد مواقع التواصل الاجتماعي، بعد إعلان شركات المحمول تقليل حجم الرصيد الذي يتيحه الكارت بنسبة 30%.
 
وأطلق مستخدمو موقع التواصل الاجتماعي «تويتر»، هاشتاجًا جديدًا يحمل اسم «#كروت_الشحن»، جاء ضمن قائمة الموضوعات الأكثر تداولًا في فترة قصيرة من الإعلان عن ارتفاع أسعار كروت الشحن.
 
وقال سامي: «إمبارح وزير المالية يطلع يقول إنه مفيش زيادة في أسعار الوقود، وتاني يوم زودوا أسعار كروت الشحن وشغل 3 ورقات زي ما الكتاب بيقول»، وعلق إسلام: «وزارة الاتصالات: رفع أسعار كروت الشحن 36% من الغد، وبغض النظر إن الخدمة.... ومع العلم أن شركات الاتصالات بتبيع الهوا أساسا.. تقريبا الهوا غلي».
 
وغرد عصام: «يا جماعة هيزودوا أسعار كروت الشحن بعد الساعة 12، كارت الـ100 هيبقى بـ140 وهكذا، فالحقوا اشتروا شوية»، وعلق بسام: «أنا مش مصدق والله لحد دلوقتي موضوع كروت الشحن ده ومش عارف أصدق».