حرص النجم تامر حسنى على توجيه الشكر لفريق عمل كليبه الجديد "يا مالى عينى"، وذلك عبر صفحته الرسمية على موقع التواصل الاجتماعى "فيس بوك"، قائلا: "بجد فى شكر خاص من كل قلبى لشباب شركة (seven ) محمد عمّار، محمود لبيب، حلوانى، ماز، رامو، محمد عبد الهادى، وفتحى عبد الشهيد".
وتابع نجم الجيل قائلا: "الشركة دى اللى عملت المونتاج والجرافيكس والتلوين للكليب هما شباب مصرى مجتهد عمل نفسه بنفسه ومشيوا خطوة خطوة لحد ماقابلتهم من خلال صديق عمرى ومخرج الكليب حسام الحسينى اللى مقدم وجهة نظر جديدة متطورة تبدوا بسيطة، لكنها بجد صعبة التنفيذ، وإن شاء الله تعجبكم، اللى عايز أقوله إن الشباب دول رغم صغر سنهم إلا أن مستواهم الفنى والتقنى فعلاً (سابق سنهم) وطبعاً شكر خاص للكابتن إبراهيم أبو النجا اللى تعبنى جداً وأنا بمرنه.. قصدى العكس طبعاً، ألف شكر ليكم كلكم يا أعز وأغلى الناس".