وانا مع ماما من كام يوم بنشترى حاجات لقيتها وقفت قصاد العبوات دى وقالتلى انها شافت واحده بتطبخ ف التلفزيون واستعملتها ف البطاطس المحمره وانها بهارات وطعملها جميل
طبعا انا كواحده بتدرس تغذية توقعت ان فيها الملح الصينى وفعلا لما قلبت ف العلبة لقيت مكتوب فيها مونو جلوتامات الصوديوم
او ما يسمى ب MGS E621
الماده دى خطيرة جدا يمكن كلنا بناكلها يوميا هى من محسنات النكهه بتكون ف الشيبس وبهارات النودلز ومرقة الدجاج ومعظم المعلبات بس المفروض انها تكون بكميات محدوده وعليها رقابة "ده المفروض يعنى"
بس المصيبه انها تكون كده بصوره حره ف البيت وانها تتباع على انها بهارات يعنى ست البيت البسيطة بتعمل كل يوم بطاطس لاطفالها تضيفها وباى كميه
الماده دى خطرها مزمن وبتعمل موت بطىء
سوا على الشخص البالغ خطر على خلايا المخ والاعصاب واكتشفو خطرها ف المطاعم الصينيه لانها كانت بتعمل صرع ونوبات تشنج للى بياكلوها يوميا
وعلى الاطفال بتسبب البلاهه وعدم التركيز.