هاجم الإعلامى أحمد شوبير، نجم الأهلى ومنتخب مصر السابق، المهندس محمود طاهر رئيس القلعة الحمراء، بسبب تصرفاته قبل انعقاد الجمعية العمومية المحدد لها 24 و25 مارس الجارى.
وأضاف " شوبير" خلال تقديم برنامجه مع شوبير المذاع علي قناة "صدي البلد" : "مفيش مشكلة فى الميزانية خالص، والأعضاء هيمرروها وبأغلبية كاسحة، لكن المشكلة ليه المجلس بيعمل كده فى الأهلى، له إجراء الأحاديث كل يوم فى برنامج مختلف، وليه تدخل واحد كأنه رئيس الوزارء وحضرتك تجرى وراه، وعمال تقوله اتفضل هنا يا باشا، وإيه رأى حضرتك يا باشا، ليه كده؟ ده النادى الأهلى.. موظف صغير هو اللى يعمل الكلام ده".
واختتم الإعلامي البارز تصريحاته : "أنا الحقيقة مذهول، ونفسى أعرف مين المتربص بالأهلى اللى بيقوله عليه..الانتقاد شىء طبيعى، والناس كلها مش هتمشى فى اتجاه واحد، وشوف رئيس جمهوريتك عبد الفتاح السيسى، بيتعرض للنقد والمعارضة من كل اتجاه، لكن متحمل لأنه بيقود بلد..وأنت معندكش مشكلة خالص فى ميزانيتك، وممكن مترحش خالص ولا أنت ولا أعضاء مجلسك وهتمر الجمعية باكتساح، ومفيش أى مبرر للقلق، ليه بتعمل كده؟ وايه كم الخوف والقلق ده؟".