مصر .. وأحلى ثورة
رباعيات بقلم / حسن خاطر – جريدة الوطن الكويتية
مصــر يا بلدنـــا يا اللي قامت فيكــي أجمل وأحلــى ثـــــورة
لولا ثــورة شبابــــك لكــــان الهـــم بلغ عندنــا الـــذروة
قــادة البلـــد نشفوهــا علينـــا واشتـــروا لنا الفقر شـــروة
وخلونا نمشـي وكأننا من غير هدوم .. يبان مننا كل شيء .. حتى العــورة
*** ***
مبـروك عليـكِ يا مصـــر اللـــي عملتـــه ثـــورة شبابـــك
دا السعـــد جالنـــا بعد الهـم والغم ما دخــلوا علينا من بابــــك
والثــورة خلتنـــا نعـرف يا مصــر ميــن أعدائك وميـن أحبابـك
دي السجــون ها تتملـي بكـل من سرقـك وهانـك وداس على جنابــك
*** ***
كنتِ كيكـة وقسموهــا بينهــم اللي كنــا بنحسبهم – للأسف – كبــار
والشعب قاعد مستنــي الفــرج وعايـش على أمل فك القيود والحصــار
وكلهــم عامليــن ينهبوكــي يا مصــر بكل همة وعزيمة وإصــرار
واللي كان يتكلم منا يلجموه ويقيدوه زي ما بيلجموا ويقيدوا الحمــــــار
*** ***
100 مليون شمعــة ووردة أهديهـــا لشبابــك يا أحلى بلد يا مصــر
شبــاب الثــورة اللي نقلونــا من عصــر "مهبب" إلى أحلى عصــر
من عصر النهب والفوضى وعصر اللي ناهب كام مليار وعنده كام فيلا وقصر
إلى عصر النهضة والخيرات اللي بإذن الله مش ها يكون ليهـا أية حصـــر
*** ***
تحيــة لشهــداء ثورة 25 يناير في مصـــر بنـات كانوا والا بنيــن
اللي ضحــوا بأرواحهــم من أجلك يا مصر بحب وسعادة وشوق وحنيـن
ونالوا شرف الشهـادة من أجلك وده شرف لولاكي كان ها ييجي لهم منيـن؟
ربنا يحفظـك يا مصـر ويرعاكِ .. ويرحـم شهدائك .. قولوا معايا آميــن.