السلام عليكم ورحمه الله وبركاته
تحيه الى كل الموجودين بميدان التحرير
الله يحميهم ويسترها معاهم وينصرنا بالله وبيهم
ان شاء الله فرجه قريب اما بعد ايها الشعب المصرى الاصيل الصبور الحمول صانع تاريخ مصر الجديد بثوره 25 يناير ان شاء الله وما النصر الا من عند الله بعد قيام ثورتنا العظيمه على الفساد ظهر لنا على الساحه حيتان البنوك والاراضى والبيزنس واكل اموال الشعب المصرى فى بطونهم بمعنى اخر حينما اتفرطت السبحه كلها وطفوا فوق الماء عالقين يا رب من ينقذنا من الحساب العسير والفضائح والسجون وبعد ان كلوا وشبعوا جاء لهم المثل القائل اللى كلتوه وشفتوه عز عز حتطرشوه لانه مال حرام ( يا رب حتى المثل فيه عز سبحان الله ورانا ورانا ) طبعا احنا كلنا كنا عارفين الحراميه اللى فى البلد لكن كنا ساكتين من الخوف والكل عارف ان زوار الليل جاهزين علطول ولكن ثوره الشباب 25 يناير حركه البركان الغاضب المدفون فى قلوبنا من 30 عاما مضت فجرت ما بداخلنا وصرخنا وقولنا كفايه حرام لنعيش عيشه فل لا نموت احنا الكل وكلنا فداكى يا مصر
د نظيف نضف البنوك/ ود سرور دايما يضحك علينا لانه مسرور ودايما يقول موافقه / صفوت بيه قرارات عسكريه وضحك على الدقون ونتائج انتخابات 99.9 من عشره / حزب وطنى ملاكى تبع النظام / عادلى وهو مشى عادل ياما بهدل ناس وظلم ناس وطحن
/ بطرس غالى اصلا هو غالى على الحكومه مشى متشطر الا على الغلابه فى لم الضرائب / عز يا عز عيشتك عز انت فين دلوقتى الحديد بكام المهم دلوقتى كل الاموال اللى خدوها بالمليارات + رجوع كل اللى اتباع من القطاع العام وما يسمى بالخصخصه او الزغزغه والعمولات من بيع املاك الدوله + الاراضى اللى اتخدت ببلاش ب 50 قرش كده + دخل قناه السويس بدال ما تروح على الحرس الجمهورى بس+ اخذ كل الفلوس من الفاسدين فى جميع المواقع الحكوميه وخصوصا المحليات وما ادارك من المحليات + المرتبات العاليه والمبالغ فيها لبعض رؤساء التحرير للجرايد الحكوميه + مساهمه بعض رجال الاعمال الشرفاء الشرفاء اعتقد اننا نقدر نسدد ديون مصر وجايز تكون فيه حاجات تانيه انا مشى اعرفها والله حنسدد دينك يا حبيبتى يا مصر وعمرك بعد كده ما تكونى مديونه لاحد والبركه فى اللى جاى ويمسك الحكم ان شاء الله واسترها معانا يا رب واكشف الظالمين للشعب العظيم
اخوكم / سليمان عبدون / محرر بجريده المعاصر الاخبارى / وعضو المركز القومى لحقوق الانسان / ومؤسس حزب صبر ايوب وعندى ولد اسمه عمر سليمان / على اسم عمر بن الخطاب الفاروق/ والفاروق هو من فرق بين الحق والباطل اضحك يا عم حتزول الغمه قريب قوى ولو خلفت ولد تانى اسميه 25 يناير وانادى عليه باعلا صوتى خد يا 25 يناير كلم بابا