علّق الرئيس عبد الفتاح السيسي، لأول مرة، على أزمة استقالة عدد من الطيارين من شركة مصر للطيران، عقب رفض زيادة رواتبهم، قائلًا: «إحنا اتفقنا إن ظروفنا كتير صعبة».
ووجه السيسي، في ندوة تثقيفية بالقوات المسلحة، مساء امس، كلامه للطيارين المستقيلين، قائلًا: «إخواتنا في مصر للطيران، هل تعتقدوا إني مش عايز أساعدك في ظروفك، وإني مش شايف إن دخلك في نفس المهنة بدول أخرى أقل، ولكن في نفس الوقت إنت مش سعيد وإنت بتنقل كل مصري لأي دولة بأمان وسلام».
وتابع: «إحنا مش كل حاجة بناخدها في جيوبنا، وإحنا مش اتفقنا إننا هنبذل جهد لمدة سنتين مع بعض، وعشان نوقف تاني من الوقعة اللي فيها دي».
وخاطبهم قائلًا: «طيب أنا تراجعت عن اللي عملته، وأنا عند كلمتي وعايز أنهض بالبلد، طيب وإنتم تعرفوا هي مصر للطيران بتكسب وبتخسر، يعني وهي بتموت، آخد منها برضه، وأنا بوجه كلامي لكل الناس، لازم نستحمل سوا، ونعبر من الأزمة اللي إحنا فيها».