بسم الله الرحمن الرحيم
أوبريت غنائي بعنوان :
تعالوا نبني مصر
ــ تأليف الشاعرعبد الحميد زقزوق.
مراسلإذاعة وتلفزيون القاهرة في الكويت والصحفي بجريدة الدستور الكويتية.
ملحوظة :
الأوبريت مناسب لذكرى العبور العظيم في 6أكتوبر 1973 في ظل ثورة 30 يونيو وثورة التنمية التي أطلقها الرئيس السيسي مؤخرا.
ياللي صنعتوا العبور ورفعتوا راية النصر
على محبة ونور تعالوا نبني مصر
نبنيها ع الإخلاص والنبل ف الإحساس
العلم سلاح ف إيدنا والعدل ف إيد قائدنا
والحرية رائدنا ومشاركتنا أساس
****
نبنيها بالوحدة الوطنية جامعة الشخصية المصرية
الكل شريك ف مصير واحد ف كفاح ونضال وف تنمية
طول عمر الحركة الوطنية هلال وصليب كانوا عنوانها
مسلم ومسيحي إيد واحدة في وجه عدو الحرية
****
تعالوا نعبر بيها تاني عبور صاروخي وبركاني
بروح وعظمة أكتوبر شكلا ومضمون ومعاني
نفس الحماس والوطنية بس النهاردة هدف تاني
جنب التحرير والحرية تصنيع وتخضير ومباني
ده اللي عبر برليف ف ساعات يقدر على التنمية بالذات
في حساب وعمر الأمم ف دقايق او حتى ثواني
****
وعقلها السيسي واتوكل أطلق مشاريعنا العملاقة
بالله بنا نعيد تاني بناها مصر ام الدنيا ، بشياكة
مش كافي تكون أم الدنيا عايزينها كمان قد الدنيا
عمل وعلم وفكر رشيد بيحول بركانها لطاقة
بالدقة دايما ف المواعيد ومشاركة شاملة وخلاقة
وأمل ف بكرة بحلم جديد حتكون بلدنا عملاقة
وعقلها السيسي واتوكل والشعب كان أكبر طاقة
****
هيلا هيلا يالله يا رجالة مش حلوة الإيد البطالة
ولد وبنت ، راجل وست كل الأيادي شغالة
الشعب كله بيمول وشريك حقيقي ف تحول
ما حصلش من بعد عبورنا ولا عاشت مصرنا دي الحالة
****
كت واقفة الدنيا ومش ماشية وبترجع للخلف تملي
لحد م جالها خيالها السيسي أملها وبطلها
وف يوم وليلة عدل حالها وحط القطر على السكة
وادى الإشارة واتكى وقال دي مصر يا رجالة
****
مصر اللي ذكرت ف القرآن وتجلى فيها الرحمن
وقال بإنها بر أمان وحتفضل طول الإزمان
مقبرة الغازي والنازي محفوظة بحفظ الرحمن
فادخلوها آمنين وامشوا فيها سالمين
ده منها خير أجناد الأرض والمدرسة ف الوطنية
أقسم بحق جلال الله أقسم بذاته جل علاه
إنك يا مصر كنانة الله ف أرضه من فجر البشرية
وانك حتفضلي تحت حماه من كل عادي محمية
****
هيلا هيلا يالله يا رجالة مش حلوة الإيد البطالة
نحفر قناة مصر التانية نبعت للعالم برسالة
إنك يا مصر ام الدنيا ولخير شعوبها شغالة
ولا بتكلي ولا بتملي حتى في عز القيالة
وقادرة دايما ع الإنجاز اللي بيوصل اللإعجاز
وميعادنا زي اليوم يا عزاز هتكون قناتنا شغالة
زي م جدودنا في الأول عملوها وكان يومها تحول
وجنودنا صانوها وحموها ودافعوا عنها ببسالة
هنخلي الدنيا تغنيلنا بعد م نكمل مشوارنا
بعزيمة وهمة وجدارة: "والله وعملوهاالرجالة"
****
الشعب المصري ده شعب أصيل فالحفر مشارك والتمويل
من عشرة جنيه إلى ألف جنية معجزة مصرية حتبقى يا بيه
كلنا ناويين وكمان خايفين المصري هو اللي هيشيل
ولا واحد فينا هيتخلف كلنا هنشيل ده الحمل تقيل
والقادر هيشيل أكتر وهيدفع اكتر م اللي عليه
****
هنزرع كام مليون فدان أول مليون هو البرهان
على إن بلدنا بقت ف أمان وهترجعتاني زي زمان
مفيش فلتان ولا فيه توهان ولا حرب ضروس ضد الإنسان
مشاريع خلاقة وعملاقة ف كلمجال وف كل ميدان
****
فيه ثورة قامت للبنيان بنا الوطن وبنا الإنسان
السيسي بطلها وقمرها ف تلاتين يونيو فجرها
ــ ثورة عظيمة وحكيمة ــ ضد اللي كان هيدمرها
مصر الحبيبة أم الدنيا وضد دستة أشرارها
السيسي بطلها وقمرها هو اللي بالشغل أمرها
وقال لوحدي ماقدرشي إيدكم بإيدي نعمرها
ونعيد بناها من تاني وبكرة تشوفوا منظرها
****
اطلع يا بكرة علينا وطل بورد وبياسمين على فل
واملا حياتنا بالأفراح واللي يعادينا اسقيه الذل
كلنا هنشارك في الإصلاح وهنبني ونعلي البنيان
بلا تفرقة بين أي كان الدين لله ووطن للكل
****
الحق يا شباب مصر وشارك للمستقبل إنت المالك
وولادك ملاك من بعدك شبعنا تقتيل ومعارك
ماخدنا منها إلى مهالك هدم ودمار على راس الكل
الحق يا شباب مصر وشارك بنى الأوطان مش بالساهل
مصرك عظيمة وتستاهل ووطن جميل بيساع الكل
****
السيسي قالها وسمعناه ووعد وعده صدقناه:
عهد علينا وقطعناه ثقة ف شعبنا وف ذاتنا
وإيمان بعظمة قدراتنا ويقين بإن معانا الله
وعشان كده لما دعانا الشعب الواثق ف حمانا
وخرج خروجته المشهودة ف تلاتين يونيو ونادانا
حملنا روحنا على كفوفنا ولا تخاذلنا ولا خوفنا
وبدون تردد ف ساعتها لبينـــا نداه
يالله بنا نبني ونعمر مفيش مكان تاني بينا
للي هيهدم ويدمر كلنا سواعدنا هنشمر
ونعبر بها للمستقبل ونحقق للشعب مناه
عهد علينا يا مصريين عهد علينا وكونوا شاهدين والنصر هيبقىأكيد ومبين ده وعد من رب العالمين
للمخلصين الله الله
الشاعر عبد الحميد زقزوق
مراسل الإذاعة والتلفيزيون المصري من الكويت