السلام عليكم
كانت اغنيه ريكو انابيب انابيب جميله وسمعناها فى الفيلم ولم نكن نتوقع ان هذه الاغنيه كل الشعب المصرى الان يتغنا بها ويقف فى البلكونات وينادى يا بتاع الانانبيب يا محترم ممكن انبوبه وباى سعر حضرتك تأمر به / والله خيبه سوده اصبحنا شعب الطوابير فى كل حاجه طوابر عيش وتموين وفراخ وووو انابيب الله يسترها معانا كل يوم ازمه وازمه والغنى ما حاسس بالفقير تصدق بالله ان انبوبه البوتجاز وصلت فى الشرقيه 25 جنيه وتاخد الانبوبه نصفها فاضى عجبك ولا مشى عجبك وعلى عينك يا تاجر التموين موجود والشرطه موجوده بس هما حيلاحقوا على ايه ولا ايه لو لك واسطه واحد شيال من اللى بيبعوا الانانبيب يبقا حتحصل على انبوبه ولو مشى لك يا رحمان يا رحيم ايه الظلم ده ارحمونا يا ناس خلاص الكل اصيب بجلطات من الازمات التى نمر بها طبعا انها اللى عندها غاز فى بيوتها دول ملوك ( ونقول اللى يعوزه البيت / يحرم على الجامع ) بمعنى احتياطى الغاز نصدره الى اسراتئيل واحنا نرجع الى التخلف والبوابير هيا اسرائيل عايزه كده تدمير مصر وشعبها وشغالين علينا من زمان الاغذيه المسرطنه والادويه والايدز وما ادراك بياخدوا اللقمه من افواه المصريين حسبى الله ونعم الوكيل / وفاكر فيلم عادل امام النوم فى العسل / اهو ده العسل / انابيب وشكرا للفنان ريكو الذى توقع ازمه الانانبيب وغنى لها ان شاء الله سيرجعونا الى الجاهليه نشعل الحطب والثقاب تبقا ضرب الزلط لاستخراج الشعله واذا كنت تريد انبوبه بوتجاز اذهب وتعلم من ابو لهب فى الجاهليه كيف كانوا يشعلون النار / نار يا حبيبى نار ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، سليمان عبدون / عضو لجنه حقوق الانسان / ومحر بجريده المعاصر الاخبارى / ومؤسس حزب صبر ايوب