fiogf49gjkf0d
سألوني بتحـب مـصر ؟
أنا قلت مـش عـارف
أصل السؤال دا صعب لـو أجاوبه أنا خايف
دلوني مـصر دى فين ... لأني مـش شـايف
مصـر الهرم والنيل والعلـم والمواويل ؟ مصـر الكتاب والدين أم الشجــر واقف ؟؟
لو عنها بتســألونى يبقى سؤالكم صعـب
السيدة الطيبة غصن الزتون والحب
القاهرة وللعدا قوس السهام والحرب
لو عنها بتسألونى يبقى سؤالكم صعب
واحكي وقول يا تاريخ وانت سيـد العارفين
عن مجدك اللى اتحفر فى أيام شهور وسنين
عن شمس أرض النيل وحضارة الفراعين
قبل الزمان بزمان وفـ قلب كل زمان
منقوش حروف اسمها مخطوط فى كل جبين
لو عنها بتسألونى يبقى سؤالكم صعب
واحكى كمان يا تاريخ عن خير جنود الأرض قاهر تتار وصليب وصهاينه أولاد كلب
فى الشده أصله يبان ويقوم ويحمى العرض
وصلاته ويا دعائه وسجوده كان للرب
يا مصر يا أم الغلابه راح فين زمان المجد
كل اللى فات دا كلام مش لاقى منه دليل
بس انكتب فى الكتب واتغنى فى المواويل "
وسيم الحسيني
"(0096597636204)