انتابت عبد الله السعيد لاعب الفريق الأول لكرة القدم بالأهلى ثورة غضب شديدة فور انتهاء مباراة الأهلى والترجى التونسى فى ذهاب دور الـ 8 لدوري أبطال إفريقيا.

وانفعل عبد الله السعيد فى غرفة خلع الملابس أثناء تواجد الجهاز الفنى، بقوله: «إحنا مش خدامين فى الفريق، اللاعيبه اللى فاكرة نفسها نجوم وما عملتشى حاجة وكانوا عالة على الفريق، اللاعيبه دى لازم تعرف إنها بتلعب بأسم الأهلى، ولو مش قد المسئولية يريحونا، إحنا بنموت فى الملعب».

واستمر «السعيد» فى حديثه، مؤكدًا على «أن الفريق كان بإمكانه الفوز على الترجى التونسى وحسم التأهل للدور نصف النهائى، لكن عندنا لاعيبة مش مقدرة حجم المسئولية اللى عليها، ياريت الكل ياخد باله ويعرف أن فى جماهير بتتعذب وبتيجى ورانا من كل مكان».