fiogf49gjkf0d
أسكندرية بلد العجايب
يا أسكندريه الشعر عاجز والقلب عاشق مظلوم وساكت
ساعات يهاود وساعات يشاكس
يا أسكندريه ياجنة عجايب
يابحر مواهب
يا أميرة هايمه بتغني غنوه في ليلة حلوة والصحبة لمه كل الحبايب
والشعر سايب سايح ونايح علي موج بيرغي زي الشفايف
والنسمه شاردة علي خد وردة من النوه خايفه تعمل عمايل
ليلك بيسحر يوعد وينكــر ساعات يساير وساعات يعاير زي الضراير
والبحر عايق مجنون وطايش هواه بيلطش سكران وفايق
والموج مخاوي لعيبي وغاوي عرسان وعرايس
ياأسكندريه أمرك عجايب لاانت شقرا ولاانت سمرا والكل فيكي عاشـــق ودايب
وتروح مراكب ترجع مواكب كتمه ســـرك والبحر شاهد
صلاح الحجري